Meirihlutinn bætir við sig fylgi

30.Október'18 | 14:55
vestm_b_gig

Vestmannaeyjabær. Ljósmynd/Gunnar Ingi

Mikil spenna var þegar talið var upp úr kjörkössunum í Eyjum í síðustu sveitarstjórnarkosningum. Þegar upp var staðið vantaði Sjálfstæðisflokkinn aðeins sex atkvæði til að halda meirihluta sínum. Eyjar.net birtir nú niðurstöður úr nýrri skoðanakönnun þar sem spurt er um stuðning við flokka bæjarins.

D-listi Sjálfstæðisflokks fengi 31.1%.  H-listi Fyrir Heimaey fengi 26.3% og E-listi Eyjalistans fengi 11,8%. Óákveðnir eru talsvert margir eða 23.7%.  Þeir sem vildu kjósa annað eða alls ekki eru samtals um 7%.

Ef aðeins er borið saman fylgi þeirra sem tóku afstöðu þá væri fylgi D lista Sjálfstæðisflokks 44.9% (var í kosningunum 45.4%)  H listi Fyrir Heimaey væri með 38% (var í kosningunum með 34.2%) og E listi með 17.1% (var í kosningunum 20.3%).

Af þessu má ráða að aukið fylgi H listans virðist koma að mestu leyti frá E lista, en í heild bætir meirihlutinn aðeins við sig þ.e. úr 54.5% í 55.1%. Niðurstöðurnar eru sem hér segir (smelltu á mynd til að opna hana stærri).

Yngra fólkið kýs frekar Fyrir Heimaey en þeir sem eldri eru kjósa frekar Sjálfstæðisflokk

Ef niðurstöðurnar eru rýndar með tilliti til kyns og aldurs sést að karlmenn kjósa frekar Sjálfstæðisflokk á meðan kynjahlutföllin eru nokkuð jöfn hjá hinum flokkunum.

Ef hins vegar aldurskipting kjósenda er skoðuð kemur í ljós að H-listinn sækir fylgi sitt helst í yngri- og miðaldra kjósendur. E-listinn sækir fylgi sitt nokkuð jafnt í öllum aldurshópum en elsti aldúrshópurinn kýs helst D-listann. 

Eyjar.net heldur áfram að birta niðurstöður skoðanakönnunarinnar næstu daga.

 

Um könnunina:

Úrtak: 650 Íslendingar 18 ára og eldri með skráð lögheimili í Vestmannaeyjum.

Dagsetning gagnaöflunar: 22. október til 25. október 2018. Fjöldi svarenda: 355 einstaklingar. Svör voru vigtuð út frá upplýsingum um aldurs- og kynjadreifingu í þýði. Aðferð: Símakönnun. Framkvæmdaraðili: MMR.

 

Hér má sjá fleiri niðurstöður sem kynntar hafa verið:

Hversu bjartsýnir eru Eyjamenn á að ný ferja muni þjónusta þá og gesti þeirra vel?

Ánægja með að Vestmannaeyjabær sé að taka við rekstri Herjólfs

Fleiri óánægðir en ánægðir með störf Herjólfs ohf.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.