Hlið komið á eina flotbryggju

- gert að beiðni Björgunarfélagsins

25.Október'18 | 05:02
20181013_150200[145083]

Hér má sjá umrætt hlið. Ljósmynd/TMS

Búið er að setja upp hlið á eina af flotbryggjum smábátahafnarinnar. Skemmst er að minnast þess þegar skorið var á fjölda slöngubáta sem lágu við flotbryggjurnar, og úr varð mikið tjón.

Í desember árið 2015 fjallaði framkvæmda- og hafnarráð Vestmannaeyjabæjar um slíka hugmynd. Þá lagði Georg Eiður Arnarson, fulltrúi E-listans til að Vestmannaeyjahöfn setti læst hlið við flotbryggjur í eigu Vestmannaeyjahafnar næsta sumar. Erindinu var hafnað með fjórum atkvæðum gegn einu, en ráðið samþykkti að fela framkvæmdastjóra að skoða málið nánar með notendum aðstöðunnar.

Andrés Þ. Sigurðsson, yfirmaður hafnasviðs Vestmannaeyjahafnar segir í samtali við Eyjar.net að Björgunarfélagið hafi farið fram á það við Vestmannaeyjahöfn að sett yrði hlið á flotbryggjuna þar sem bátur félagsins, Þór, liggur. Það er gert til að hefta aðgengi að björgunarbátnum til þess að koma í veg fyrir að unnar séu skemmdir á honum.

Hafnarstjórn ákvað að verða við erindinu og keypt var hlið og sett upp. Ekki hefur verið farið fram á að sett verði upp fleiri hlið, segir Andrés.


 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.