Breyta síðustu fjölbýlishúsalóðum bæjarins

í raðhúsalóðir

21.Október'18 | 09:45
ashamar_loftmynd_litil

Loftmynd af umræddu svæði. Skjáskot/map24.is

Meirihluti bæjarstjórnar samþykkti á síðasta fundi bæjarstjórnar að breyta skipulagi síðustu fjölbýlishúsalóða í Vestmannaeyjum í raðhúsalóðir. Bókað var um málið og bentu fulltrúar Sjálfstæðisflokksins á að í tvígang hafi umsækjanda verið synjað um breytingu á skipulagi í Áshamri.

Bókun: 

Skipulagsmál eru viðkvæm og vandmeðfarin. Umrædd lóð er eina lóðin í Vestmannaeyjum sem er skilgreind á skipulagi sem fjölbýlishúsalóð. Lóðaframboð í Vestmannaeyjum er sannarlega takmörkuð auðlind og þurfa skipulagsyfirvöld að búa yfir framsýni m.t.t. húsnæðisþarfa framtíðarinnar. Undirrituð hafa í tvígang áður samþykkt fundargerð umhverfis- og skipulagsráðs þar sem umsækjanda er neitað um breytingu á skipulagi í Áshamri úr fjöbýlishúsalóð í raðhúsalóð, síðast í apríl á þessu ári og greiðum gegn breytingunni. 

Hildur Sólveig Sigurðardóttir 
Trausti Hjaltason 

Bókun: 
Við lýsum undrun yfir að fulltrúi D-lista vilji halda sig við eldra skipulag og hafa svæðið óbreytt í stað þess að leyfa byggingu raðhúsa, enda eru engar aðrar raðhúsalóðir til ráðstöfunar innan sveitarfélagsins. 

Elís Jónsson 
Íris Róbertsdóttir 
Njáll Ragnarsson  
Jóna Sigríður Guðmundsdóttir

Bókun: 
Það eru engar lóðir eftir undir fjölbýlishús í bænum við þessa afgreiðslu. Hins vegar er mun auðveldara og líklegra að verði raðhúsalóðir í nýjum deiliskipulögum. 

Trausti Hjaltason
Hildur Sólveig Sigurðardóttir
Eyþór Harðarson 

Bókun: 
Bæjarfulltrúar Sjálfstæðisflokksins lýsa furðu sinni á því að málið hafi verið afgreitt á fundi nr. 290 þar sem málinu var frestað á fundi nr. 289 og skipaður starfshópur um framtíðarskipulag tjaldsvæða á Þjóðhátíð sem átti að koma með tillögur að lausn þeirra, áður en farið væri í frekari skipulagsvinnu. Þessi starfshópur hefur ekki skilað opinberri niðurstöðu, en málið afgreitt á fundi nr. 290 þrátt fyrir það og hafin vinna að skipulagsbreytingum á svæðinu. Liggi niðurstaða þess hóps fyrir, þá hefur hún í það minnsta ekki verið kynnt fyrir minnihlutanum. 

Hildur Sólveig Sigurðardóttir
Eyþór Harðarson 
Trausti Hjaltason 

Liður 1, Áshamar - fyrirspurn um raðhúsalóðir var samþykktur með fjórum atkvæðum H- og E-lista gegn tveimur atkvæðum D-lista. Eyþór Harðarson D-lista sat hjá. 

 

Sjá einnig: 38 íbúðir í byggingu í dag og 18 íbúðir í umsóknarferli

 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).