ÍBV í Evrópukeppninni:

Mæta Pauc frá Frakklandi í Eyjum á morgun

6.Október'18 | 05:07
handb_ibv_fb

Eyjamenn mæta Pauc í Evrópukeppninni á morgun, sunnudag. Mynd/ÍBV

Eyjamenn leika á morgun fyrri leik sinn við Pauc frá Frakklandi. Leikurinn hefst kl. 17.00 og er leikið í Eyjum. Seinni leikurinn er svo úti í Frakklandi eftir viku.

Þetta er risastórt lið sem endaði í 5. sæti í frönsku efstu deildinni á síðustu leiktíð. Franska deildin er talin vera sú sterkasta um þessar mundir enda voru þrjú lið í Final 4 í Meistaradeildinni í maí.

Pauc er lið sem vann sér sæti í efstu deild Frakklands árið 2012, einu ári áður en ÍBV kom sér aftur upp í efstu deild. Liðið fékk Karabatic bræðurna til sín og léku þeir með liðinu árin 2012-2013.

Það sem er einnig áhugavert við Pauc er að Jerome Fernandez, einn sigursælasti leikmaður allra tíma í íþróttinni, er þjálfari liðsins og hefur verið frá 2015. Fernandez lék með Barcelona í sjö ár, síðan með Ólafi Stefánssyni hjá Ciudad Real. Eftir það lék hann með Kiel, undir stjórn Alfreðs Gíslasonar, og síðan sem spilandi þjálfari hjá PAUC, frá 2015 áður en hann setti skóna á hilluna í fyrra. Með þessum liðum vann hann ótal titla.

Þá er ferill hans með franska landsliðinu engum líkur og varð hann Ólympíumeistari 2008 og 2012, auk þess sem hann varð heimsmeistari 2001, 2009, 2011 og 2015 og Evrópumeistari 2006, 2010 og 2014.
 
Þetta verður sautjándi Evrópuleikur ÍBV, sá fimmtándi frá árinu 2014, þar sem ÍBV lék í fyrsta sinn í Evrópukeppni í rúm 20 ár. Liðið hefur sigrað 8 af þessum fjórtán leikjum, komst alla leið í undanúrslit Áskorendakeppni Evrópu þar sem liðið féll úr leik gegn Potassia Turda, eftir sigur á heimavelli, en tap í Rúmeníu.
 
 ÍBV eru ríkjandi, Íslands-, bikar- og deildarmeistarar auk þess sem liðið vann Meistarakeppni HSÍ fyrr í haust. Það verður því spennandi að fylgjast með þeim gegn sterku liði frakkana á morgun og er stuðningur áhorfanda mikilvægur.

 

Sun. 7. okt. 2018 kl.17:00 Evrópukeppni | EHF keppni karla,  Vestmannaeyjar, ÍBV - PAUC

 

Tags

ÍBV

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.