Tækifæri sem ekki kemur aftur!

Tækifærið felst í því að nýta núverandi ferju áfram fram á haustið. Ferjurnar sigla þá á móti hvor annari á álagstímum.

Ósennilegt er að við fáum slíkt tækifæri aftur og er því mikilvægt að bæjarbúar fylki sér á bak við bæjarstjórn um að knýja þessa tilraun í gegn hjá ríkisvaldinu. Við verðum að láta í okkur heyra.

Samhliða þessu er mikilvægt að reisa þjónustumiðstöð upp við þjóðveg sem bendir ferðamönnum á náttúruperluna Vestmannaeyjar.

Allt ofangreint verður að koma í farveg fljótlega. Annars rennur þetta stóra tækifæri okkur úr greipum. Tækifæri til að minnka biðlistana og benda ríkisvaldinu í leiðinni á það að full þörf er á tveimur ferjum í þjónustu við Vestmannaeyjar á sumrin.

Samhliða þessu þarf að halda áfram að pressa á ríkisvaldið að finna lausnir á vanda Landeyjahafnar til að hún uppfylli þær litlu frátafir sem okkur var lofað í upphafi.

Nýtum tækifærin – samfélaginu til heilla!

Horfum til framtíðar.

Hópurinn er skipaður áhugamönnum um bættar samgöngur á milli lands og Eyja.