Hildur Sólveig Sigurðardóttir skrifar:

Voðinn VÍS

26.September'18 | 16:37

Í síðustu viku voru birtar dapurlegar fréttir þess efnis að VÍS hefði ákveðið að leggja niður eða sameina fjölmörg útibú sín og þar með boðað uppsagnir og mikla þjónustuskerðingu við landsbyggðina. 

VÍS hefur veitt Vestmannaeyingum vátryggingaþjónustu í fjöldamörg ár og verður nú brotið blað í sögu fyrirtækisins þegar það mun ekki lengur reka útibú í Vestmannaeyjum. Vestmannaeyjabær er stórt og vaxandi samfélag sem er stútfullt af tækifærum og framtíðin m.a. í ferðaþjónustu er virkilega björt á komandi mánuðum með væntanlegri komu nýrrar farþegaferju sem mun styrkja samgöngur til Landeyjahafnar svo ekki sé minnst á byggingu griðarstaðar fyrir hvíthvali, dýraverndunarverkefni Merlin entertainment sem er næststærsta skemmtanafyrirtæki í heiminum á eftir Disney.

 

Landsbyggðin er lausnin, ekki vandamálið

Þrátt fyrir að stafræn þróun samskipta sé ört vaxandi þá er þörfin fyrir persónulega nálgun á lausn verkefna, samtal, skilning og m.a.s. augnsamband ekki að úreldast. Til Vestmannaeyja hafa verið að flytjast búferlum frá höfuðborginni ungar fjölskyldur sem margar hverjar flytja einmitt störf sín með sér af höfuðborgarsvæðinu og sjá vinnuveitendur þeirra hag af því að starfsfólkið er í betra sambandi við stórfjölskylduna, getur nýtt frítíma sinn betur og þ.a.l. aukast lífsgæði og ánægja starfsmannsins og samhliða afköst hans og jákvæðni gagnvart starfi sínu um leið og starfsmaðurinn kemst í náið samband við annan og ólíkan markað. Það má heldur ekki gleymast að með skertri þjónustu bæði hjá hinu opinbera og hinu einkarekna á landsbyggðinni eykst álagið enn frekar á þjónustustöðvar höfuðborgarinnar.

 

Tækifærin liggja á landsbyggðinni

Ég harma ákvörðun VÍS, ekki bara fyrir þjónustuþega Vestmannaeyja, ekki bara fyrir þann öfluga starfsmann VÍS í Vestmannaeyjum sem hefur sinnt bæjarfélaginu af alúð og natni til margra ára, ekki bara fyrir það augljósa tap sem fyrirtækið mun uppskera í ljósi glataðrar markaðshlutdeildar í óánægðum byggðarlögum heldur fyrst og fremst fyrir þá skammsýni sem er sýnd með þessari ákvörðun. Tækifærin liggja nefnilega einmitt á landsbyggðinni, þar er fasteignaverð viðráðanlegt, þar eru vegalengdir og boðleiðir stuttar, þar eru lífsgæði, róin og náttúran mikil og þar er tenging við ótrúlega fjölbreytta flóru atvinnulífs og menningar. Hvorki ég, né Vestmannaeyjabær eiga í viðskiptum við VÍS, ef svo væri myndi ég leggja þunga áherslu á að slíkum viðskiptum væri sjálfhætt.

 

 

Hildur Sólveig Sigurðardóttir

Höfundur er bæjarfulltrúi Sjálfstæðisflokksins í Vestmannaeyjum

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).