Stefnt að prufukeyrslu í október

Þetta segir Ívar Atlason, svæðisstjóri vatnssviðs hjá HS-Veitum, aðspurður um gang varmadælu-verkefnisins.  „Í næstu viku er von á tæknimanni frá framleiðanda vélanna, Sabroe í Danmörku, við að undirbúa gangsetningu. Í kjölfarið koma fleiri tæknimenn frá Sabroe. Ef allt gengur upp hefst prufukeyrsla nú í október.” segir Ívar en um er að ræða 4 sjóvarmadælur sem settar hafa verið upp.

Eru að afla 2/3 hluta varmaorku hitaveitunnar ókeypis

Hann segir að ef allt gangi upp, ætti stöðin að vera komin í fullan rekstur í nóvember.  „Þegar verið er að gangsetja nýjan búnað, starfsmenn HS Veitna að læra á vélbúnaðinn  o.s.frv., þá má búast við byrjunaröðuleikum eins og gengur og gerist.  Hvort það verður talið í vikum eða mánuðum verður að koma í ljós.

Með þessari tækni erum við að afla 2/3 hluta varmaorku hitaveitunnar ókeypis, þ.e.a.s úr sjónum. Einnig gerði HS Veitur hf nýjan raforkusaming og verður varmadælustöðin á forgangsorku.  Þetta þýðir að íbúar Vestmanneyja þurfa ekki í framtíðinni að borga með hærri orkureikningum, olíukeyrslu í kyndistöðinni ef flutningskerfi raforkunnar bilar eða lón vantaflvirkjana tæmast.  Þetta gerðist árin 2014 og 2017 og kostaði Vestmanneyinga hundruði milljóna.” segir Ívar Atlason.