Kristján hættir með ÍBV

26.September'18 | 17:39
kristjan_gudm_undirskrift

Kristján hefur stýrt liði ÍBV í tvö ár. Myndin er tekin þegar að hann skrifaði undir samning við félagið.

Kristján Guðmunds­son, þjálf­ari karlaliðs ÍBV í knattspyrnu mun hætta þjálf­un liðsins að keppnistímabilinu loknu. Þetta kemur fram í tilkynningu frá knattspyrnudeild ÍBV.

Kristján Guðmundsson þjálfari meistaraflokks karla ÍBV hefur tekið þá ákvörðun um að hætta þjálfun liðsins eftir leik liðsins gegn Grindavík á laugardag. Leikmönnum var tilkynnt um þetta eftir æfingu liðsins fyrr í dag. Síðastliðin 2 ár hefur Kristján unnið gott starf fyrir ÍBV og lagt sitt af mörkum í að gera ÍBV að stöðugu liði í efstu deild. 

Undir hans stjórn tókst ÍBV að landa fyrsta titli sínum í 19 ár þegar bikarmeistaratitill vannst 2017 sem færði liðinu sæti í Evrópukeppni en þar tók ÍBV síðast þátt 2013. Ásamt því að landa titli og koma á stöðugleika þá hefur Kristján gefið mörgum ungum uppöldum leikmönnum tækifæri á að stíga sín fyrstu skref í efstu deild. 

Knattspyrnuráð ÍBV þakkar Kristjáni fyrir vel unnin störf og óskar honum velfarnaðar í hans næstu verkefnum, segir í tilkynningu frá félaginu.

Tags

ÍBV

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.