Björgun bauð lægst í dýpkun Landeyjahafnar

26.September'18 | 20:19

Björgun bauð lægst í dýpkun í Landeyjahöfn.

Í gær voru opnuð tilboð í 900.000 m³ dýpkun Landeyjahafnar, fyrir árin 2019-2021. Áætlaður verktakakostnaður er 817.575.000 kr.

Fyrirtækið Björgun ehf átti hagstæðasta tilboðið og var það rúmlega 75% af kostnaðaráætlun Vegagerðarinnar. Lægstbjóðendur þekkja Landeyjahöfn nokkuð vel. Fyrirtækið sá um dýpkun í og við höfnina fyrstu árin eftir að höfnin komst í gagnið. Síðan tók fyrirtækið Jan De Nul við dýpkun hafnarinnar og hefur mestmegnis notast við dýpkunarskipið Galilei 2000.

Tilboðin hér að neðan miða við gengi Seðlabanka Íslands 25. september 2018:

Bjóðandi	Tilboð kr.	Hlutfall	Frávik þús.kr.
Rohde Nielsen A/S, Kaupmannahöfn	1.399.555.040	171,2	781.578
Jan De Nul n.v., Reykjavík	1.179.364.800	144,3	561.388
Frávikstilboð Jan De Nul n.v., Reykjavík	922.833.168	112,9	304.857
Björgun ehf., Reykjavík	617.976.602	75,6	0
Áætlaður verktakakostnaður	817.575.000	100,0	199.598