Fisk Seafood kaupir þriðjungshlut í VSV

Kaupverðið er 9,4 milljarðar króna. Samningurinn verður sendur Samkeppniseftirlitinu. Frá þessu er greint á vefsíðu Vinnslustöðvarinnar. Í tilkynningu frá kaupendum segir:

„Stjórn og stjórnendur FISK-Seafood ehf. vænta góðs samstarfs við eigendur og stjórnendur Vinnslustöðvarinnar hf. og sjá mikil tækifæri í rekstri félagsins og samvinnu þessara tveggja sjávarútvegsfyrirtækja.“

Sigurgeir B. Kristgeirsson, framkvæmastjóri VSV, bregst glaður við þessum tíðindum:

„Ég leyfi mér fyrir hönd okkar Eyjamanna í eigendahópi félagsins að fagna ákvörðun Fisk Seafood og segi á móti við Skagfirðinga að við sjáum líka í stöðunni ýmsa áhugaverða möguleika á samstarfi við þá.“