Viðsnúningur hjá Jónatani

- í umhverfis- og skiplagsráði

12.September'18 | 10:37
ashamar

Svæðið sem til stendur að breyta. Ljósmynd/TMS

Jónatan Guðni Jónsson situr í umhverfis- og skipulagsráði fyrir Eyjalistann. Hann sat einnig í ráðinu í lok síðasta kjörtímabils. Á 284 fundi ráðsins þann 30. apríl sl. kom neðangreind fyrirspurn fyrir ráðið:

Áshamar - fyrirspurn um raðhúsalóðir. 

„Júlíus Hallgrímsson óskar eftir að fyrirspurn hans sem ráðið tók fyrir á 281 fundi verði tekin fyrir að nýju. Bréfritari óskar eftir afstöðu ráðsins fyrir að breyta notkun fjölbýlishúsalóða vestan við Áshamarsblokkir í raðhúsalóðir.
 
Niðurstaða ráðsins var að ráðið vísar til fyrri bókunar. Fyrirspurnin samræmist ekki gildandi skipulagi.”

Jónatan situr enn í umhverfis- og skipulagsráði - nú í meirihluta. Á síðasta fundi ráðsins var sama fyrirspurn afgreidd af meirihluta ráðsins. Meirihlutinn bókaði þannig um málið:

„Við lýsum undrun yfir að fulltrúi D-lista vilji halda sig við eldra skipulag og hafa svæðið óbreytt í stað þess að leyfa byggingu raðhúsa.”

Eyjar.net leitaði viðbragða hjá Jónatani vegna þessa viðsnúnings hans í málinu. Hann segir að ekki sé eftirsóknarvert að byggja fjölbýlishús á svæðinu og þetta svæði sé hugsað sem íbúðarhúsnæði. Jónatan segir að þegar að verið var að vísa þessu frá á sínum tíma hafi ekki verið búið að úthluta raðhúsalóðum í Foldahrauni.

„Nú byrjar ferlið í deiliskipulagningu og svo grendarkynningu og það ferli tekur mánuði eða ár jafnvel. Svæðið sem um ræðir er frá Áshamri 75 (þverblokkinni) og niður að raðhúsunum fyrir neðan veg. Bæjarstjórn á nú eftir að samþykkja þessar tillögur.”

Verða þessar lóðir auglýstar? Já, eftir að búið er að deiliskipuleggja svæðið.


 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-