Dagbók lögreglunnar:

Keyrði á Krónuna

10.September'18 | 16:06

Einn ökumaður var stöðvaður vegna gruns um akstur undir áhrifum ávana- og fíkniefna í vikunni og þá var annar ökumaður stöðvaður grunaður um akstur undir áhrifum áfengis. 

Þá liggja fyrir tvær aðrar kærur vegna brota á umferðarlögum en um er að ræða akstur án þess að hafa öryggisbelti spennt og akstur gegn einstefnu.

Ein eignaspjöll voru tilkynnt lögreglu í liðinni viku en þarna hafði framrúða í bifreið verið brotin þar sem bifreiðin stóð við veitingahúsið Tangann aðfaranótt 8. september sl. Ekki er vitað hver eða hverjir þarna voru að verki og eru þeir sem upplýsingar hafa um það vinsamlegast beðnir um að setja sig í samband við lögreglu.

Að morgni sl. sunnudags var lögreglu tilkynnt um umferðaróhapp við verslun Krónunnar. Þarna hafði viðskiptavinur verslunarinnar ætlað að leggja í stæði fyrir framan Krónuna en stigið óvart á bensíngjöfina í stað hemils þannig að bifreiðin lenti á húsinu með þeim afleiðingum að hurðar, rúður og gluggakarmur skemmdist. Engin slys urðu á fólki, að því er segir í vikuyfirliti lögreglunnar í Vestmannaeyjum.

Tags

Lögreglan

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.