Skoða hvort hætta stafi af girðingu við Hásteinsvöll

4.September'18 | 08:07
hast

Girðingin er stutt frá akveginum og skoða á hvort slysahætta stafar af því ef að bifreið lendir á girðingunni. Myndir/TMS

Á fundi bæjarstjórnar í síðustu viku var umræða um girðingu sem sett var upp í sumar norðan megin við Hásteinsvöll. 

Þar bentu bæjarfulltrúar minnihlutans á að Vegagerðin hafi víða látið fjarlægja svipaðar teinagirðingar og þeim skipt út fyrir netagirðingar sökum slysahættu. Í máli fulltrúa meirihlutans kom fram að þau höfðu ekki heyrt af slíkum athugasemdum og bentu á að málið hafi einnig verið í vinnslu á síðasta kjörtímabili. Engu að síður væru þessar athugasemdir teknar alvarlega og yrðu þær skoðaðar af starfsmönnum Vestmannaeyjabæjar.

Gera athugasemdir við stjórnsýsluhætti sem viðhafðir voru í málinu

Í bókun frá bæjarfulltrúm D-lista segir að bæjarfulltrúar Sjálfstæðisflokksins séu hlynntir girðingu á svæðinu en gera athugasemdir við þá stjórnsýsluhætti sem hafðir voru við í þessu máli. Hafi legið jafn mikið á málinu og raun bar vitni hefði eðlilegast verið að taka fundargerðina inn með afbrigðum á síðasta fundi bæjarstjórnar til fullnaðarafgreiðslu. Verði almenn vinnubrögð sú að mál af þessu tagi eru kláruð án þess að fullnaðarsamþykki liggi fyrir þá er verið að setja fordæmi um vinnubrögð sem ekki hafa tíðkast hingað til. Í kjölfar afgreiðslunnar í fagráðinu bárust svo bæjarfulltrúum Sjálfstæðisflokksins athugasemdir frá fagaðila um að verið væri að setja niður teinagirðingu nálægt umferðaræð en Vegagerðin hefur víða látið fjarlægja svipaðar teinagirðingar og þeim skipt út fyrir netagirðingar sökum slysahættu. Bæjarfulltrúar Sjálfstæðisflokksins óska því eftir minnisblaði frá bæjarstjóra þar sem gert er grein fyrir því hvort öryggi íbúa stafi hætta af umræddum girðingum en þess má geta að þrátt fyrir að hámarkshraði sé 50km/klst á þessum vegkafla þá skv. upplýsingum frá lögregluembættinu eru einmitt veittar flestar hraðasektir við þennan veg. 

Vísa ásökunum til föðurhúsana

Í bókun bæjarfulltrúa H-lista og E-lista segir að meirihluti bæjarstjórnar mótmæli ásökunum minnihlutans um óvandaða stjórnsýsluhætti og vísar þeim til föðurhúsana. 

Málið var samþykkt með sjö samhljóða atkvæðum. Fleiri myndir af girðingunni má sjá hér að neðan.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.