Ákærður fyrir kynferðisbrot gegn konu

4.September'18 | 20:33
yfir_vestm_fade

Vestmannaeyjar. Ljósmynd/TMS

Héraðssaksóknari hefur gefið ákæru á hendur hálfþrítugum Vestmannaeyingi fyrir árás og kynferðisbrot gegn konu í Eyjum fyrir tæpum tveimur árum. Ákæran verður þingfest í Héraðsdómi Suðurlands 13. september. Málið vakti mikla athygli þegar það kom upp um miðjan september 2016.

Konan fannst nakin og mjög illa leikin í húsgarði, hún var meðvitundarlítil og köld og var flutt með þyrlu á Landspítalann í Fossvogi í Reykjavík. Lögregla taldi að hefði hún ekki fengið aðstoð hefði hún getað dáið.
 
Maðurinn sem nú hefur verið ákærður sat í gæsluvarðhaldi vegna málsins um skeið og var síðan sleppt úr haldi þegar kröfu lögreglunnar í Vestmannaeyjum um framlengingu varðhaldsins var hafnað af dómstólum. RÚV grein­ir frá þessu.

Kolbrún Benediktsdóttir varahéraðssaksóknari staðfestir að ákæran hafi verið gefin út en segist ekki mega greina frá því nákvæmlega fyrir hvað maðurinn sé ákærður vegna þess að þinghald málsins sé lokað.

Málið hefur velkst um í kerfinu um langa hríð. Fyrst um sinn tafðist það nokkuð vegna þess að konan fór úr landi fljótlega eftir árásina og lögreglu reyndist lengi vel erfitt að ná tali af henni. Í fyrrasumar var svo tekin skýrsla af henni ytra.

Rannsókn lögreglunnar í Vestmannaeyjum lauk í október í fyrra, málið fór þá í ákæruferli hjá embættinu og þaðan til Héraðssaksóknara um áramót. Héraðssaksóknari taldi hins vegar að rannsaka þyrfti tiltekin atriði betur og vísaði málinu aftur til lögreglu í lok febrúar. Framhaldsrannsókninni lauk í sumar og þá fór málið aftur til Héraðssaksóknara sem hefur nú gefið út ákæru.

Tags

Lögreglan

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-