100 ára afmæli Björgunarfélags Vestmannaeyja

3.September'18 | 07:41
bjorgo_100ara_st

Íris Róbertsdóttir, bæjarstjóri og Jóna Sigríður Guðmundsdóttir, bæjarfulltrúi með Arnóri Arnórssyni formanni björgunarfélagsins. Mynd/BV

Í tilefni af 100 ára afmæli Björgunarfélags Vestmannaeyja sem var þann 4. ágúst síðast liðinn, færði Vestmannaeyjabær félaginu 1.000.000 að gjöf og þakkar félaginu fyrir ómetanlegt framlag til björgunarstarfa.

Ofangreint kom fram í bókun bæjarráðs. Í framhaldi var málið rætt á fundi bæjarstjórnar. Þar bókuðu bæjarfulltrúar Sjálfstæðisflokksins:

Félagið hefur verið frumkvöðull á mörgum sviðum

„Björgunarfélag Vestmannaeyja hefur reynst okkar samfélagi ómetanlegt. Félagið hefur verið frumkvöðull á mörgum sviðum, keyptu fyrsta björgunar- og varðskip Íslands, Þór, áttu frumkvæðið að byggingu fyrstu sundlaugarinnar í Vestmannaeyjum, áttu frumkvæði að því að bæta lýsingu við innsiglinguna, að lagðir yrðu símastrengir og að hvetja til betri kunnáttu vélstjóra og formanna vélbáta á taltækjum.

Björgunarsveitin er aldrei langt undan við margar gleðistundir í Vestmannaeyjum á borð við þrettándann, þjóðhátíðina og svo ekki sé minnst á alla stórsigra íþróttaliða okkar þegar sérfræðingar þeirra fylla himinhvolfin af fallegum litum og mynstrum fyrir okkur hin til að njóta. Mikilvægara þó er það hlutverk þeirra þegar erfiðleikar steðja að, við erfiðar aðstæður á borð við válynd veður, náttúruhamfarir og við alvarleg slys og veikindi eru félagsmenn Björgunarsveitarinnar ávallt viðbúnir með sinni hugdirfsku og fagmennskuna að leiðarljósi. Fyrir það erum við óendalega þakklát. Innilega til hamingju með stórafmælið kæra Björgunarfélag Vestmannaeyja og megi næstu 100 ár verða öflugu starfi ykkar áfram jafn góður vitnisburður.”

Meirihlutinn tók undir bókun minnihlutans og var liðurinn samþykktur með sjö samhljóða atkvæðum. 

Forsetinn kom í afmælið

Haldið var uppá afmæli Björgunarfélags Vestmannaeyja á laugardaginn. Fyrst með opnu húsi í húsakynnum félagsins á Faxastíg. Um kvöldið var svo slegið upp afmælisveislu í Höllinni þar sem núverandi og fyrrverandi félagar mættu og gerðu sér glaðan dag. Þá kom varðskipið Þór til hafnar í Eyjum á laugardaginn og þyrla Landhelgisgæslunnar TF-LÍF kom einnig til Eyja. Með í för var forseti Íslands, Guðni Th. Jóhannesson sem heiðraði félagið með nærveru sinni.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.