Ístak annast endurbætur á Landeyjahöfn

1.September'18 | 06:31
undirskrift_istak_vegagerd_mynd_vegag

Frá undirskriftinni. Ljósmynd/Vegagerðin

Karl Andreassen framkvæmdastjóri Ístaks og Bergþóra Þorkelsdóttir forstjóri Vegagerðarinnar skrifuðu í gær undir verksamning vegna vinnu við endurbætur Landeyjahafnar. 

Er þetta fyrsti verksamningurinn sem nýr forstjóri undirritar, segir í færslu á facebook-síðu Vegagerðarinnar. Í verkinu felst bygging á tunnum á enda brimvarnargarða, grjótvörn á garðsendum, bygging vegar út vesturgarð og stækkun innri hafnarinnar.

Tvö tilboð bárust í verkið. Ístak hf. bauð 743,5 milljónir króna og Munck Íslandi ehf. bauð 893 milljónir. Bæði tilboðin voru hærri en áætlaður verktakakostnaður, sem var 660 milljónir króna. Markmiðið með stækkun innri hafnar er að auka snúningssvæði Herjólfs.

Grjótgarðurinn gegnt bryggjunni á að færa til austurs og snúningsvæðið stækkað með þeim hætti. Tunnurnar sem um ræðir eru stáltunnur sem verða fylltar með grjóti. Þær verða settar upp við enda beggja brimvarnargarða. Markmiðið með endurbótunum er að auka öryggi í höfninni og gera nýjum Herjólfi kleift að sigla oftar til Landeyjahafnar en núverandi Herjólfur hefur gert.

Áætluð verklok eru 15. september 2019.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).