Fréttatilkynning:

Álseyjarútgáfan endurútgefur Lundaballslistann

31.Ágúst'18 | 11:10
lundaball_yfir_2016

Það er ávalt mikil stemning á Lundaballinu. Ljósmynd/TMS

Álseyingar hafa löngum verið fremstir úteyinga í undirbúningi fyrir Árshátíð bjargveiðimanna í Eyjum. Hafa Álseyingar oft farið ótroðnar slóðir í þeim efnum enda hafa Lundaböllin sem þeir hafa haldið alltaf toppað það sem áður hefur verið gert. 

Álseyingar virðast enn einu sinni ætla að setja standard Lundaballsins í nýjar hæðir og má því búast við toppskemmtun í Höllinni 29. september n.k. þegar að Lundaballið verður haldið.

Unnið er hörðum höndum að samsetningu matseðils í samvinnu við fjölda innlendra og erlendra  stórkokka sem hafa sóst eftir því að fá að slást í lið með kokkalandsliði Álseyjarfélagsins við gerð matseðilsins. Ekkert hefur enn verið gefið upp um matseðilinn annað en það að hann verði “Gordjöss”. Það er vart við öðru að búast en að villibráðarveislan í ár verði betri en nokkru sinni fyrr því að eldhúsið í Álsey hefur um árabil verið með 5 Yokohama stjörnur fyrir matargerð sína. Álseyingar hafa stundum tekið gestakokka í eldhúsið og hefur það verið eftirsótt að koma þangað í þjálfun. T.d. hafa  margir af bestu matreiðslumönnum Heimaeyjar, fengið að snerta áhöldin í Álsey til að fá þennan Yokohama fíling í fingurna. Meðal topp matreiðslumanna sem fengið hafa að þjálfa sig í Álseyjareldhúsinu má nefna Einsa Kalda, Sigga Gísla og Gísla Matthías en margir telja að Álseyjarfílingurinn sem skin í gegnum matargerð þeirra sé lykillinn að velgengni þeirra í matargerð.

Stórkostleg skemmtidagskrá er í vinnslu og munu Álseyingar gefa frekari upplýsingar um hana á næstu vikum. Það er því vissara fyrir þá sem vilja tryggja sér miða á Lundaballið í ár að skrá sig sem fyrst en allir eru velkomnir á ballið.

Til að hita upp fyrir ballið hafa Álseyingar endurútgefið Lundaballslistann, sem að þeir gáfu út fyrir nokkrum árum í aðdraganda Lundaballs. Það er stórsveitin Synir Álseyjar sem flytur lagið  og á textinn jafn vel við í dag og þegar lagið var fyrst gefið út. Það er því upplagt að koma sér í helgargírinn með því að stilla í botn, syngja sig inn í helgina með Sonum Álseyjar og láta sig hlakka til Lundaballsins 29. september nk.

Hér má hlusta á lagið.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is