Varla hægt að senda fólk með heilabilun með Herjólfi fram og til baka daglega

28.Ágúst'18 | 10:35

”Einu dagdvalarúrræði fyrir einstaklinga með heilabilun á Suðurlandi eru á Selfossi. Það er varla hægt að ætlast til þess að fólk með heilabilun sé sent með Herjólfi að morgni og heim aftur að kvöldi,” 

Þetta segir Sólrún Erla Gunnarsdóttir, deildarstjóri öldrunarmála á hjúkrunar- og dvalarheimilinu Hraunbúðum í Vestmannaeyjum, í samtali við Morgunblaðið í dag. 

”Það er ekkert sértækt dagdvalarúrræði fyrir einstaklinga með heilabilun í Eyjum. Við höfum tekið þá einstaklinga í almenn dagdvalarrými. Það er ekki sanngjarnt gagnvart sveitarfélaginu þar sem úrræði fyrir heilabilaða eru dýrari auk þess að teppa almenn dagdvalarrými,”  segir Sólrún og bætir við að meira umstang og umönnum fylgi einstaklingum með heilabilun.

Bíða svara eftir fyrstu neitun

Sólrún segir að Hraunbúðir þurfi að meðaltali tvö heilsdagspláss fyrir heilabilaða þar sem mjög mikilvægt sé fyrir þennan hóp að hafa reglu á hlutunum og því mikilvægt að einstaklingar hafi úrræði alla vikuna.

”Við sóttum um tvö pláss árið 2016 og fengum neitun, 2017 þurftum við að rökstyðja í hvað fjármagnið færi og hvaða sérúrræði við myndum bjóða einstaklingum í dagþjálfun með heilabilun. Við svöruðum því til að við hefðum þegar komið upp minningarherbergi þangað sem hægt væri að draga einstaklinganna út úr hópnum og vinna með þá. Við réðum iðjuþjálfa og við erum með teymi sem ákvarðar um inntöku í dagþjálfunarúrræði,” segir Sólrún sem taldi að þessar aðgerðir ættu að nægja.

Hún segir að engin niðurstaða hafi fengist vegna umsóknarinnar árið 2017. Í ár hafi ekki verið sótt um, heldur beðið um svar við síðustu umsókn.

 

Nánar má lesa um málið í Morgunblaðinu í dag.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.