Fréttatilkynning:

Flottasta Lundaball sögunnar í undirbúningi

16.Ágúst'18 | 10:47
IMG_5517

Ljósmynd/aðsend

Árshátíð Bjargveiðimennafélags Vestmannaeyja, eða Lundaballið eins og hátíðin er oftast kölluð er á næsta leiti. Álseyingar, sem sjá um Lundaballið í ár, hafa unnið hörðum höndum að undirbúningi þess undanfarna mánuði. 

Ystaklettsmenn, sem áttu að sjá um ballið í ár, fetuðu í fótspor nágranna sinni í Ellirey og „beiluðu á“ að halda það og því kemur það í hlut Álseyinga að standa vaktina og halda þessa frábæru skemmtun.

Álseyingar hafa gegnum tíðina haldið lang flottustu Lundaböllin og því má búast við að hátíðin í ár verði enn betri en nokkru sinni áður.

Ballið verður haldin í Höllinni laugardaginn 29. september og mun hin frábæra hljómsveit Albatros, með Halldór Gunnar og Sverri Bergmann í fararbroddi sjá um tónlistarflutning.

Mikil ásókn er þegar orðin í miða á ballið, þó að það hafi ekkert verið auglýst, og er ljóst að salurinn verður þétt setinn. Á matseðlinum verður villibráð af ýmsu tagi og dagskráin verður í anda Álseyinga full af taumlausri gleði, glensi og tónlistarflutningi, en það mun allt verða auglýst nánar síðar.

Lundaballið er öllum opið og geta vinnustaðir, saumaklúbbar vinahópar og aðrir tekið þátt í gleðinni með bjargveiðimönnum. Álseyingar hvetja alla þá sem áhuga hafa á að taka þátt í gleðinni að tilkynna þátttöku sem fyrst. Við skráningu tekur Diidi Leifs í síma 844-3012 eða sigursteinn.bjarni.leifsson@islandsbanki.is

Eyjamenn, bæði frá Vestmannaeyjum og Norðurey, eru hvattir til þáttöku í þessu  glæsilegasta Lundaballi allra tíma.

Álseyingar

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.