Hlynur Andrésson:

Stefnir á sigur fjórða árið í röð

14.Ágúst'18 | 18:13
hlynur_andresar

Hlynur Andrésson

Hlynur Andrésson sigurvegari síðustu þriggja ára í hálfu maraþoni karla í Reykjavíkurmaraþoni stefnir ótrauður á sigur um næstu helgi fjórða árið í röð. Hlynur hefur á þessu ári sett Íslandsmet í þremur hlaupagreinum utanhúss. 

Vestmannaeyingurinn Hlynur Andrésson bætti í mars Íslandsmet Kára Steins Karlssonar í 10.000 metra hlaupi á braut þegar hann hljóp á 29 mínútum og 20,92 sekúndum á háskólamóti í Bandaríkjunum. Hann hefur svo bætt Íslandsmetin bæði 5.000 og í 3.000 metra hindrunarhlaupi að auki á árinu, segir í frétt ruv.is.

Erfitt að leiða hlaupið

Hlynur var aðeins fjórum sekúndum frá því að ná lágmarki inn á Evrópumótið sem nú stendur yfir í 3.000 metra hindrunarhlaupi, en krefjandi mastersnám kom í veg fyrir það. Hann er hins vegar á leið í míluhlaup í Bretlandi í dag og ætlar svo að hlaupa hálft maraþon í Reykjavíkurmaraþoni á laugardag.

„Þetta er reyndar fjórða skiptið í röð sem ég ætla að reyna sigra. Og vonast eftir góðum tíma og skemmtilegri stemmingu, bara gaman,“ sagði Hlynur þegar RÚV hitti hann á föstudag.

Spurður út í brautina í Reykjavíkurmaraþoninu segir Hlynur hana góða. „Brautin er mjög fín en það sem hefur verið erfiðara fyrir mig er að vera alveg einn að hlaupa allan tímann, í botni. Það er svolítið erfitt andlega að ýta allan tímann sjálfur en ég vona að tíminn verði góður í þetta skiptið.“

Stefnir á maraþon á ÓL 2020 í Tókýó

En hver eru framtíðarplön Hlyns í hlaupunum? „Mig langar að taka eitt ár í viðbót á brautinni, því ég veit að ég get bætt mig enn þá meira þar. Eftir það snúið mér að götuhlaupunum, þá hálfu maraþoni og heilu maraþoni. Ég mun keppa í september 2019 í Berlín í maraþoni og reyna þá að ná Ólympíulágmarki.“

Nánar viðtal við Hlyn má sjá hér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).