Fréttatilkynning frá stjórn Herjólfs ohf.

Ráðning skipstjóra og yfirvélstjóra á nýja ferju

2.Ágúst'18 | 18:57
nyr_her_crist

Nýr Herjólfur á að koma til landsins í lok árs. Mynd/Crist S.A

Í gær var gengið frá ráðningum í stöður skipstjóra á nýjum Herjólfi. Ráðnir voru tveir skipstjórar til viðbótar við þann sem áður hafði verið ráðinn.

Capacent sá um ráðningarferli skipstjóra fyrir Herjólf ohf. Fjórir umsækjendur voru metnir hæfastir til starfsins. Í kjölfarniðurstöðu Capacent var Ívar Torfason ráðinn fyrstur sem skipstjóri. Eftir ráðningu Ívars dró einn þeirra fjögurra sem metnir voru hæfastir umsókn sína til baka. Eftir stóðu þá tveir umsækjendur sem báðir fengu mjög gott hæfnismat og meðmæli. Stjórnin ákvað því að ganga til viðræðna við þá sem lauk með samkomulagi um ráðningu.

Þeir tveir sem ráðnir voru í gær eru:

Gísli Valur Gíslason, skipstjóri á Herjólfi, og Sigmar Logi Hinriksson, fyrrv. skipstjóri á Baldri.

Með þessum ráðningum er lokið við að ráða í þær þrjár stöður skipstjóra sem gert er ráð fyrir að ráða í.

Í gær var enn fremur gengið frá ráðningu eins af þremur yfirvélstjórum sem til stendur að ráða á skipið. Capacent sá um ráðningarferli yfirvélstjóra og sóttu nokkrir um starfið. Viðræður hafa staðið yfir við tvo af þeim sem hæfastir voru metnir og hefur náðst samkomulag við annan þeirra um ráðningu.

Sá yfirvélstjóri sem ráðinn var í gær er Svanur Gunnsteinsson. Áfram verður haldið viðræðum við aðra sem sóttu um og vonar stjórnin að þær viðræður leiði fljótlega til jákvæðrar niðurstöðu þannig að ljúka megi ráðningum yfirvélstjóra sem allra fyrst.

Aðrar stöður hjá Herjólfi ohf. hafa verið auglýstar lausar til umsóknar og rennur umsóknarfrestur út í þessum mánuði, segir í tilkynningu frá stjórn Herjólfs ohf.

Tags

Herjólfur

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).