Fjölskyldu- og tómstundaráð:

Vilja breyta aldursviðmiðum frístundastyrks

1.Ágúst'18 | 05:02
Orkumót_sgg

Frístundastyrkurinn nýtist m.a í niðurgræðslu æfingagjalda. Ljósmynd/SGG

Tillaga að breytingu um aldursviðmið í reglum um frístundastyrk var tekin fyrir á fundi fjölskyldu- og tómstundaráðs í gær. Tillagan gengur út á að aldursviðmið í reglum um frístundastyrk verði breytt og verði frá 2ja ára aldri til 16 ára í stað 6 ára til 16 ára. 

Lagt er til að breytingin taki gildi frá og með 1. september á þessu ári. Markmiðið með þessari breytingu er að styrkja fleiri aldurshópa til þátttöku í uppbyggilegu frístundastarfi og auka möguleika til þátttöku óháð efnahag. Því fyrr sem börn byrja að kynnast skipulögðu íþrótta- og tómstundastarfi þeim mun meiri líkur eru á að þau tileinki sér slíka iðju. Þátttaka í skipulögðu íþrótta- og tómstundarstarfi hefur veigamikil forvarnaráhrif. 

Fjölskyldu- og tómstundaráð mælir með því að foreldrar hvetji börn sín til að taka þátt í skipulögðu íþrótta- og tómstundarstarfi og jafnframt nýti sér frístundastykinn. Ráðið fól framkvæmdastjóra sviðs að koma með nánari upplýsingar um stöðu mála áður en ráðið tekur endanlega ákvörðun um tillöguna. 

Draga í efa hæfi einstakra fundarmanna meirihlutans í málinu

Í bókun minnihlutans í ráðinu segir að í ljósi dræmrar notkunar frístundastyrksins tekur minnihlutinn undir að gera þurfi breytingar á úthlutun frístundastyrkja. Mikilvægt er að breytingarnar séu ekki gerðar breytingnna vegna heldur byggi á lausnum sem skilað geti meiri þátttöku í tómstundastarfi. Í ljósi umræðunnar á fundinum drögum við einnig í efa hæfi einstakra fundarmanna meirihlutans í málinu.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is