Breki VE farinn til veiða sunnan Eyja

26.Júlí'18 | 10:21
breki_ve_ingo_i

Frá fyrsta túr Breka VE. Ljósmynd/Ingólfur Ingvarsson

„Við tókum tvö karfahöl í gærkvöld og í nótt. Þar með erum við komnir með skipið til veiða. Fyrstu sólarhringarnir fara annars að miklu leyti í að stilla af spil og vinnslukerfi, eins og við var búist,“ sagði Magnús Ríkarðsson, skipstjóri á Breka VE, í morgun.

Áhöfnin á nýja VSV-togaranum er sem sagt komin á miðin til veiða. Sú stund var giska langþráð! Breka var siglt úr höfn á þriðjudaginn. Um borð voru rafvirki og einnig tæknimaður frá framleiðanda togspila skipsins til að taka þátt í að stilla búnaðinn og sjá til þess að vinnslukerfið gengi eins og til er stofnað, segir í frétt á heimasíðu Vinnslustöðvarinnar.

Aðkomumönnunum var skilað í land í morgun og um borð kom Sverrir Haraldsson, sviðsstjóri bolfiskvinnslu VSV, áður en lagt var úr höfn nýjan leik. Hann ætlar að taka þátt í fyrsta alvöruveiðitúrnum sem ekki er vitað hve langur verður:

„Menn eru fyrst og fremst ánægðir með að vera komnir í gang. Gera má ráð fyrir að tæki og tól verði áfram stillt og prófuð í dag en með því var reiknað. Þetta lítur allt ágætlega út.“

Fleiri myndir úr túrnum má sjá hér.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%