Íslandsmótið í golfi hefst á fimmtudaginn

24.Júlí'18 | 05:02
golfvollur_2018

Golfvöllurinn lítur vel út í Eyjum eftir miklar rigningar undanfarnar vikur. Ljósmynd/TMS

Íslandsmótið í golfi 2018 fer fram í Vestmannaeyjum um næstu helgi, hefst raunar á fimmtudaginn. Starfsmenn GV hafa lagt mikla vinnu í því að undirbúa keppnisvöllinn fyrir þetta stærsta golfmót ársins. 

Sú vinna hefur svo sannarlega skilað árangri, líkt og myndin hér að ofan sýnir.

Fram kemur á vefnum golf.is að völlurinn sé í skínandi góðu ástandi og komi vel undan vetri. Þá segir að þær aðgerðir sem farið var í vetur hafi skilað árangri. Þeir kylfingar sem hafa leikið í Eyjum á undanförnum vikum eru hæstánægðir með völlinn – og er því haldið fram að ástand vallarins sé með því besta sem þekkist í Eyjum á þessum árstíma. Vestmannaeyjavöllur skartar sínu fegursta þessa stundina og er svo sannarlega klár í slaginn fyrir Íslandsmótið 2018.

Meðal kepp­enda verður Har­ald­ur Frank­lín Magnús sem tók um síðastliðna helg­i þátt í Opna breska stór­mót­inu á Carnoustie-vell­in­um í Skotlandi. Har­ald­ur sem leikur fyrir GR komst ekki í gegn­um niður­skurðinn á öðrum degi ri­sa­móts­ins en hann varð fyrstu ís­lenskra karla­kylf­inga til að taka þátt á mót­inu eða stór­móti í golfi al­mennt. Nú kem­ur hann hins veg­ar strax heim og tek­ur þátt á Íslands­mót­inu í Eim­skips­mótaröðinni og verður þar meðal nokk­urra at­vinnukylf­inga.

Guðrún Brá Björg­vins­dótt­ir úr GK, Andri Þór Björns­son úr GR og Guðmund­ur Ágúst Kristjáns­son úr GR verða einnig meðal kepp­enda en rúm­lega 120 kylf­ing­ar höfðu skráð sig til leiks um hádegisbil í gær. Þess má geta að Golfklúbbur Vestmannaeyja fagnar 80 ára afmæli á þessu ári.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-