Uppfærð frétt

Skemmdaverk unnin á slöngubátum í smábátahöfninni

23.Júlí'18 | 17:41
IMG_3953

Frá björgunaraðgerðum í dag. Ljósmyndir/TMS

Síðdegis í dag fékk lögreglan í Vestmannaeyjum útkall vegna sökkvandi slöngubáta í smábátahöfninni í Eyjum. Lögregla kallaði til aðstoðar félaga úr Björgunarfélagi Vestmannaeyja. 

Svo virðist sem óprúttinn aðili eða aðilar hafi gengið um flotbryggjuna og skorið á bátana. Alls voru sjö bátar sem að átt var við.

Þar á meðal var einn báturinn losaður. Er ljóst að um töluvert tjón er að ræða. Kallað var eftir aðstoð kranabíls til að halda einum bátnum á floti. Ekki er vitað að svo stöddu hver þarna var að verki, en ekki er útilokað að viðkomandi hafi náðst á eftirlitsmyndavélar.

Uppfært kl. 21.26

Ungir drengir náðust á eftirlitsmyndavélar

„Við teljum okkur vita hverjir eiga sök að máli, þetta eru ungir drengir héðan úr Eyjum,“ segir Huginn Egilsson, varðstjóri hjá lögreglunni í Vestmannaeyjum. Lögreglan notaðist við upptökur eftirlitsmyndavéla við rannsókn málsins. Barnavernd var tilkynnt um atvikið en málið er enn í rannsókn, að því er segir í frétt ruv.is.

„Það þurfti kranabíl til að halda einum bátnum á floti en það fór ekki sjór inn í hina þótt búið væri að skera á þá gat,“ segir Huginn. Alls var átt við sjö báta en tjónið á þeim er verulegt, segir hann.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).