Skipsflak Maud í Vestmannaeyjahöfn

20.Júlí'18 | 10:19
20180720_082240

Maud í Vestmannaeyjahöfn. Ljósmyndir/TMS

Í morgun kom til hafnar í Eyjum norski dráttarbáturinn Tandberg Polar með í tog skipsflak Maud. Verið er að ferja skipið til Osló í Noregi, en vegna slæmrar veðurspár var ákveðið að koma til hafnar í Eyjum og bíða veðrið af sér. 

Áhafnarmeðlimur sagði í samtali við Eyjar.net að til standi að halda för áfram á morgun. Búast þeir við að koma til hafnar í Osló 17-18 ágúst nk.

Norski landkönnuðurinn Roald Amundsen sigldi skipi sínu Maud að Norður-Íshafi fyrir rúmlega 100 árum. Það var vígt árið 1917, skömmu áður en hann hélt í annan rannsóknarleiðangur sinn norður á bóginn. Ferðinni var heitið um norðausturleiðina svokölluðu, siglingaleið milli Atlantshafs og Kyrrahafs, þar sem stærstur hluti leiðarinnar er um ísilagt Norðuríshafið. 

Leiðangrinum lauk árið 1924, skipið Maud dagaði uppi í Alaska og var selt ári síðar sem hluti af þrotabúi Amundsens. Þá var Maud nýtt sem flutningaskip eftir norðurströnd Bandaríkjanna og Kanada. Í kjölfarið nýttist Maud sem geymslurými auk þess að hýsa útvarpsstöð þar til hún sökk árið 1930 við norðurströnd Kanada, að því er segir í fréttaskýringu Rúv.is.

Lítið spurðist til Maud næstu 85 árin meðan hún marði á hafsbotni, en árið 2016 var tekin ákvörðun um að draga skipið á flot og koma því aftur heim í höfn. 

Fleiri myndir frá í morgun má sjá hér að neðan.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.