Makrílvertíðin að komast á fullt

 „Þetta fór ágætlega af stað og er makríllinn rúm 400 gr meðalvigt.” sagði Eyþór Harðarson útgerðarstjóri hjá Ísfélaginu í samtali við Eyjar.net.

Aðspurður segir Eyþór að Ísfélagsskipin hafi byrjað um helgina hér suður af Eyjum og fengu Sigurður og Heimaey ca. 500 m3 hvor. Álsey er á miðunum.

Þá var verið að landa í morgun uppúr Guðrúnu Þorkelsdóttur SU öðru sinni á skömmum tíma hjá Vinnslustöðinni. Ísleifur VE var einnig með töluverðan afla líkt og sjá má á myndinni hér að neðan.