Æðarungi í kröppum dansi

9.Júlí'18 | 05:10
aedarungi_saeh

Ljósmynd/saeheimar.is.

Nokkuð margar æðarkollur með unga halda sig þessa dagana á tjörninni í Herjólfsdal. Búið er að strekkja bönd yfir tjörnina til að varna því að máfar nái ungunum. 

Máfarnir nota þó hvert tækifæri og á dögunum var komið með æðarunga í Sæheima sem hafði verið bjargað frá máfi við tjörnina. Farið var með hann til kollunnar en var of dasaður til að ná að fylgja henni, að því er segir í frétt á vefsvæði Sæheima - saeheimar.is.

Því var komið með ungann í Sæheima og var þar hlúð að honum og fékk hann gómsæt og næringarrík loðnuhrogn að éta. Í lok dagsins var hann orðinn vel sprækur og því var farið með hann að tjörninni og honum sleppt þar. Hann synti að næstu kollu og slóst í hóp með ungunum hennar. 

Æðarkollur taka gjarnan unga í fóstur sem blandast þá ungahópnum þeirra og oft má sjá nokkrar kollur saman með stóran ungahóp. Það er því jafnan lang best að fara með æðarunga sem finnast beint að næstu kollu og sjá hvort að hún sé ekki tilbúin að taka við honum, segir enn fremur í frétt Sæheima.

Tags

Sæheimar

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.