Ætla að efla gæslu á Þjóðhátíð

7.Júlí'18 | 09:15
IMG_0987

Til stendur að efla gæsluna á Þjóðhátíð. Ljósmynd/Gunnar Ingi

Þjóðhátíð í Vestmannaeyjum um verslunarmannahelgina er stærsta útihátíðin sem fer fram hér á landi á ári hverju. Hátt í 20 þúsund manns flykkjast þá til Eyja til að skemmta sér. Hátíðin hefur verið umdeild um árabil en gæslan hefur verið hert mikið og árið í ár verður engin undantekning frá því.

„Eftir að ég byrjaði í þessu höfum við alltaf verið mikið að spá í öllum þessum ofbeldisbrotum yfir höfuð, hvernig við getum haldið þessu í lágmarki. Við erum með 120-130 gæslumenn, lækna og sjúkrabíla á staðnum. Við munum bæta við einhverjum myndavélum og reyna að lýsa upp svæði sem hafa verið til vandræða, dimm svæði. Við ætlum bara að reyna að vera alltaf á tánum í þessu að bæta okkur, gera betur og reyna að uppræta þetta samfélagsmein sem að sérstaklega þetta kynferðisofbeldi er.“ segir Jónas Guðbjörn Jónsson, talsmaður Þjóðhátíðarnefndar í samtali við Rúv.

Stóraukin löggæsla á Goslokahátíð

„Við erum með stóraukna löggæslu, eða lögreglan er með stóraukna löggæslu og við erum svo með aukna almenna gæslu á hátíðarsvæðinu okkar. Ég hef auðvitað vör við þá miklu vitundarvakningu sem hefur orðið í tengslum við þennan málaflokk og ég finn það að það skiptir máli að fólk upplifi sig öruggt. Og ég held að við höfum gert allt sem í okkar valdi stendur til þess og við brýnum við okkar hátíðargesti að skemmta sér vel saman og hjálpa hvort öðru ef eitthvað kemur upp á og leita sér auðvitað aðstoðar.“ segir Margrét Rós Ingólfsdóttir, einn skipuleggjenda Goslokahátíðarinnar. 

 

Unnið uppúr frétt Rúv.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.