Svarið setur upp þjónustuhús við Landeyjahafnarafleggjarann

Svarið er ferðaþjónustufyrirtæki sem hyggst reisa fjórar slíkar stöðvar á Suðurlandi á næsta ári og alls er hugsjónin að reisa 42 stöðvar í kringum landið á næstu árum. Fyrsta stöðin mun rísa við Landeyjahafnarafleggjarann (sjá staðsetningu). Aðspurðir segja þeir feðgar að aðal- og deiluskipulagsbreytingar séu samþykktar og eru þær nú í auglýsingaferli. „Við búumst við að geta hafið framkvæmdir í lok sumars.“ segir Halldór.

Reikna með að opna í ár

Stöðvarnar eru hannaðar sem einingahús þó fyrsta húsið verði byggt á hefðbundinn hátt. Stöðin skiptist svo í tvennt þar sem aðalsalur er bjartur og hátt til lofts, í honum verða sjálfsalar, upplýsingaborð og markaður. Í hinum hlutanum er salernisgangur sem kemur að stofninum til frá framleiðanda salernanna. Þeir segja að reiknað sé með að opna stöðina á þessu ári.

 „Við vinnum verkefnið í samstarfi við tæknifyrirtæki í fremstu röð þegar kemur að tækjabúnaði og stefnum á að bjóða uppá fjölbreytta þjónustu sem gagnast ferðamönnum og nærumhverfinu.“ segir Davíð Elí.

Gagnvirk upplýsingaborð
Þá verða upplýsingaborð með snertiskjá á nokkrum tungumálum. Þar geta gestir skoðað landið í 3D (þrívídd) og kynnt sér þjónustu sem boðið er uppá í nærumhverfinu. Einnig geta fyrirtæki og stofnanir kynnt sig nánar, bæði í upplýsingaborðunum og upplýsingaskjá, gegn gjaldi.

Sjálfsalaverslun
Sjálfsalar verða einnig með snertiskjá og hægt að skoðað myndir og innihaldslýsingar á nokkrum tungumálum. Vöruval í sjálfsölum verður fjölbreytt en meðal annars verður boðið uppá heita og kalda drykki, matvörur, ferðagræjur og minjagripi.

Sjálfhreinsandi salerni

Stöðin er hönnuð af Arkís í kringum innfluttar salerniseiningar sem þrífa sjálfkrafa bæði gólf og salernisskál eftir hverja notkun. Stefnan er að bjóða uppá hreinustu salerni landsins.

Beint frá býli markaður

Framleiðendum og handverksfólki í nærumhverfinu verður boðið að selja og/eða kynna vörur sínar í markaði stöðvarinnar.

Rafhleðslustöðvar
Við teljum Ísland vera í kjöraðstöðu þegar kemur að rafbílavæðingu og félagið ætlar að taka þátt í henni. Á stöðinni geta ferðamenn sett rafbílinn og raftækin sín í hleðslu og nýtt sér alla þá þjónustu sem í boði er á meðan tækin hlaðast.

Samfélagsleg ábyrgð

Félagið er með skýra umhverfisstefnu og mun EFLA halda utan um kolefnisbókhald og samfélagsskýrslur. Markmið félagsins er kolefnishlutleysi, ISO 14001 vottun í umhverfisstjórnun og Excellent BREEM umhverfisvottun á byggingum.

Önnur aðstaða
Markmiðið er einnig að vera með leiksvæði fyrir börn, útsýnispall með sjónauka og útsýnisskífu og bjóða húsbílum að leggja á bílastæðunum gegn gjaldi.

Besti staðurinn til að vekja athygli ferðamanna á hinni stórfenglegu náttúruperlu sem Vestmannaeyjar eru

„Við reiknum svo með að reisa fjórar stöðvar á Suðurlandi á næsta ári og alls er hugsjónin að reisa 42 stöðvar í kringum landið á næstu árum.“ segir Halldór.

Aðspurðir um af hverju þeir hafi ákveðið að byrja við Landeyjahafnarafleggjaranum segja þeir að þarna á vegamótunum eigi félagið þrjá hektara við nýja bílastæði Vegagerðarinnar sem stórbóndinn Símon Oddgeirsson á Dalseli gaf félaginu af höfðinglegri rausn. „Þetta er ein af bestu staðsetningum á landinu. Gríðarlegur fjöldi ferðamanna fer fram hjá þessum gatnamótum daglega og teljum við þetta vera besti staðurinn til að vekja athygli ferðamanna á hinni stórfenglegu náttúruperlu sem Vestmannaeyjar eru.“

Er þeir feðgar eru spurðir út í samstarf við Eyjamenn segja þeir að þeir sjái fyrir sér að vera í góðu sambandi við bæjarfélög og hagsmunaaðila í nærumhverfinu.

Hér að neðan má sjá myndbönd og fleiri myndir af húsinu og umhverfinu þar í kring.