Myndband

Mjaldrarnir í aðlögun fyrir Íslandsför

28.Júní'18 | 15:18
klettsvik

Sjókvíin í Klettsvík verður fyrsta opna verndarsvæðið fyrir hvali á heimsvísu. Ljósmynd/TMS

Mjaldrarnir Litla-Hvít og Litla-Grá, sem fengu leyfi til búsetu í Klettsvík í Heimaey, eru nú í ströngu undirbúningsferli fyrir fyrirhugaðan flutning frá Sjanghæ til Íslands, í mars á næsta ári. 

Samtökin Sea Life Trust, dýraverndararmur fyrirtækisins Merlin Entertainments, gáfu út myndband í vikunni þar sem tilkynnt var um flutninginn. Myndabandið má sjá neðst í þessari frétt. Ruv.is greinir frá.

Sjókvíin í Klettsvík verður fyrsta opna verndarsvæðið fyrir hvali á heimsvísu. Rúmir 32.000 fermetrar verða afmarkaðir með gisnu neti, svo sjávarlíf í víkinni raskist sem minnst. Aðstandendur verkefnisins vonast til þess að verndarsvæðið gefi hvölum, sem alist hafa upp í haldi og gætu því ekki bjargað sér í náttúrunni, tækifæri til að lifa við ákjósanlegar aðstæður.

Mjaldrakvígurnar eru tólf ára gamlar og eru þær því enn unglömb þar sem mjaldrar geta náð allt að fimmtíu ára aldri. Þar sem þær hafa alist upp að mestu við allt aðrar aðstæður en finna má við Íslandsstrendur, undirbúa umsjónarmenn þeirra þær nú fyrir nýja staðhætti.

„Þær komu frá náttúrunni og nú fara þær aftur í náttúrulegt umhverfi sitt“

„Eins og er með íþróttafólk þá þurfum við að byggja upp þol þeirra, en þær hafa verið hér í garðinum nokkuð lengi. Á verndarsvæðinu verður vatnið dýpra og þá munu þær hafa mun meira pláss,“ segir Mark Todd, sérfræðingur í atferli sjávarspendýra. 

Til að þær Litla-Hvít og Litla-Grá geti haldið heilsu í mun kaldara vatni en þær hafa átt að venjast, hefur matarræði þeirra einnig tekið nokkrum breytinum, og fá þær þessa dagana mikið af feitum fiski sem hjálpar þeim að byggja upp einangrandi fituforða.

Iker Wang, yfirþjálfari við garðinn í Sjanghæ, segir tilfinningar sínar blendnar þar sem hann komi til með að sakna mjaldranna. „En þær komu frá náttúrunni og nú fara þær aftur í náttúrulegt umhverfi sitt. Fyrir þær hlýtur það að vera eins og að fara heim, og við gleðjumst öll fyrir hönd Litlu-Grárrar og Litlu-Hvítrar.“

Þrír milljarðar til framkvæmda við sjókví og náttúrugripasafn

Merlin hefur staðið í samningaviðræðum við Vestmannaeyjabæ síðastliðin ár um leyfisveitingar og framkvæmdir í Klettsvík. Umhverfisstofnun og MAST samþykktu í fyrra flutning þeirra til Eyja og í maí undirrituðu Merlin og bæjarráð leigusamning til 20 ára á húsnæði Fiskiðjunnar. Húsnæðið kemur til með að hýsa hvala- og náttúrugripasafn, auk upphitaðrar laugar fyrir mjaldrana. Elliði Vignisson, þáverandi bæjarstjóri, sagði í fyrra að einnig stæði til að koma upp lundapysjuathvarfi. 

Áætlaður heildarkostnaður við verkefnið gæti orðið allt að þrír milljarðar, og stendur Merlin straum af honum að mestu. Óháðu dýraverndarsamtökin Whale and Dolphin Conservation Society koma þó að fjármögnun flutnings mjaldranna og uppsetningu sjókvíar, segir í frétt RÚV.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).