Njáll Ragnarsson skrifar:

Eftir fyrsta bæjarstjórnarfund

23.Júní'18 | 09:54
njall_r_litil

Greinarhöfundur eftir sinn fyrsta bæjarstjórnarfund.

Nú hefur ný bæjarstjórn Vestmannaeyja tekið til starfa. Vil ég byrja á því að óska bæjarfulltrúum til hamingju með kjörið og bæjarbúum öllum til hamingju með nýja bæjarstjórn. 

Ég hef mikla trú á því að ný stjórn komi til með að byggja upp samfélagið okkar til framtíðar og koma góðum málum í verk. Það er eitthvað sem allir geta komið sér saman um að gera, og gera vel.

Í fyrsta skipti í 100 ára sögu Vestmannaeyjakaupstaðar gegnir kona nú stöðu bæjarstjóra. Að sama skapi sitja nú fleiri konur en karlar í bæjarstjórn en slíkt hefur aðeins einu sinni gerst áður, og það var fyrir 20 árum síðan. Þetta er sérlega ánægjulegt í ljósi umræðu undanfarinna ára um áhrif kvenna í samfélaginu. Ég get sagt fyrir mitt leyti að ég er stoltur af því að hlutfall kynja sé jafn gott í Vestmannaeyjum og raun ber vitni.

Ég hef orðið var við umræðu í bænum síðustu daga um að bæjarstjórn hafi ekki verið fullskipuð á sínum fyrsta fundi sl. fimmtudag. Einhverjir hafa viljað gagnrýna nýjan bæjarstjóra fyrir fjarveru sína. Til þess hefði ekki þurft að koma.

Samkvæmt bæjarmálasamþykkt hefur sá fulltrúi í nýkjörinni bæjarstjórn, sem hefur lengstu setu í bæjarstjórn, 15 daga til að boða til fyrsta fundar frá því að ný stjórn tekur við. Ekki er regla um að fundað sé á fimmtudögum, þó það sé gert að öðru jöfnu. Ef einhver vilji hefði verið fyrir hendi gat þessi fulltrúi kannað hvaða dagar á þessu 15 daga tímabili hentuðu öllum og í framhaldinu boðað til fyrsta fundar í sátt og samlyndi við alla kjörna fulltrúa.

Dagana fyrir fyrsta fund var mikið reynt til þess að breyta tímasetningu fundarins. Það bar ekki árangur.

Með tímanum ávinnst traust á milli meiri- og minnihluta í bæjarstjórn. Ég er sannfærður um það að allir kjörnir fulltrúar í bæjarstjórn Vestmannaeyja muni vinna saman að góðum málum fyrir samfélagið í Vestmannaeyjum. Það er okkar verkefni næstu fjögur árin. Ég hlakka til þess að fara í þessa vinnu. Ég hlakka til samstarfs við alla fulltrúa í bæjarstjórn, starfsmenn bæjarins og bæjarbúa alla.

 

Njáll Ragnarsson.

 

Höfundur er bæjarfulltrúi og formaður bæjarráðs Vestmannaeyjabæjar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).