Sjúkraflutningur með Herjólfi - ófært fyrir þyrlu Gæslunnar

21.Júní'18 | 16:37
herj_sjukrabil

Flytja þurfti sjúklinginn með Herjólfi í dag. Ljósmynd/TMS

Flytja þurfti sjúkling frá Vestmannaeyjum með Herjólfi og svo með sjúkrabíl til Reykjavíkur þar sem þyrla Landhelgisgæslunnar komst ekki til Eyja vegna slæms skyggnis og veðurs. 

Flutningurinn var boðaður á hæsta forgangi og þar sem Mýflug, sem sinnir sjúkraflugi í Eyjum, var ekki að fljúga vegna slæms skyggnis og veðurskilyrða var þyrlan kölluð út. Kom útkallið rétt fyrir klukkan 12 í dag, að því er segir í frétt á fréttavefnum vísir.is.

„Það er þannig að varðskipið Þór er nálægt Vestmannaeyjum og þar um borð eru menn sem hafa starfað á þyrlunni. Það var haft samband við þá og þeir mátu aðstæður að þyrlan gæti ekki lent í Eyjum. Það er mjög sjaldgæft að þetta gerist. En þarna sköpuðust bara þannig aðstæður að vegna skyggnis og veður var það slæmt að þyrlan komst ekki,“ segir Ásgeir Erlendsson, upplýsingafulltrúi Landhelgisgæslunnar, í samtali við Vísi. 

Hann segir veðrið hafa verið sérstaklega slæmt í dag og ítrekar að það sé mjög sjaldan sem þessar aðstæður skapist. Búið hafi verið að kalla áhöfn út á þyrluna sem var mætt niður á flugvöll til að fara af stað þegar ákvörðun var tekin um að gera það ekki, segir enn fremur í frétt Vísis.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).