Umhverfis- og skipulagsráð:

Hafna athugasemdum nágranna

- ráðið bendir á að ekki hafi komið fram nein rök sem styðja það að verðgildi húsnæðis í nágrenninu skerðist við uppbyggingu á lóð Áshamars 32

19.Júní'18 | 05:34
flugvollur_16

Vestmannaeyjar. Ljósmynd/TMS

Á fundi umhverfis- og skipulagsráðs í síðustu viku var tekið fyrir að nýju umsókn lóðarhafa að Áshamari 32. Ólafur Tage Bjarnason hönnuður fyrir hönd lóðarhafa sótti um byggingarleyfi fyrir einbýlishúsi á lóðinni.

Í fundargerð ráðsins segir að erindið hafi verið sent til grenndarkynningar sbr. ákvæði skipulagslaga nr. 123/2010, en eitt bréf með athugasemdum barst ráðinu.
 
Í niðurstöðu ráðsins segir að ráðið samþykki byggingaráform lóðarhafa og felur byggingarfulltrúa framgang erindis. Í afgreiðslu ráðsins á innsendu bréfi segir að ráðið hafni athugasemdum lóðarhafa að Áshamri 48.
 
Þá segir í fundargerðinni að lóðin nr. 32 við Áshamar sé samkvæmt aðalskipulagi á svæði undir íbúðarhúsabyggð ÍB-4, þar er nýtingarhlutfall skráð 0,15 fyrir svæðið en ekki einstaka byggingarlóðir eins og fram kemur í innsendu bréfi. Heimilt að víkja frá deiliskipulagsskyldu vegna stakra framkvæmda í þegar byggðum hverfum þar sem deiliskipulag er ekki fyrir hendi ef fyrirhuguð framkvæmd víkur ekki í verulegum atriðum frá notkun, nýtingarhlutfalli eða yfirbragði hverfisins.
 
Á lóðinni Áshamar 32 stóð áður íbúðarhús í líkingu við önnur hús sem standa í botnlanganum, ætti því ekki að koma á óvart að umrædd lóð yrði áfram nýtt fyrir íbúðarhús líkt og hefur verið kynnt fyrir nágrönnum. Þegar lóðarhafi sótti um lóðina árið 2016 kom fram í gögnum umsækjanda að nýbygging yrði í grófum dráttum í samræmi við önnur hús við götuna. Þær teikningar sem hafa verið kynntar í grenndarkynningu sýna að nýbygging er í formi eins og fyrirliggjandi hús við götuna og er reist á sama grunnkóta og húsið sem áður stóð á lóðinni. Rétt er að húsið er ekki nákvæm eftirlíking uppruna útlits húsa enda er ekki eitt samræmt útlit til í dag sbr. samþykktir sveitafélagsins ss. viðbyggingar við hús nr. 30 og 36 og bílskúr á baklóð nr. 34.
 
Ekki er hægt að fallast á rök athugasemdarinnar er varðar útsýnisskerðingu og bent er á að engin leið er að tryggja öllum íbúum bæjarins útsýni sem ávalt er huglægt hverjum og einum.
 
Á lóðinni stóð áður íbúðarhús byggt árið 1975 sem var rifið eftir bruna og var alltaf fyrirhugað að nýta lóðina áfram fyrir íbúðarhúsnæði og telur ráðið að fyrirhuguð nýbygging falli vel að yfirbragði hverfisins hvað varðar nýtingu, útlit og form.

Umhverfis- og skipulagsráð bendir á að ekki hafi komið fram nein rök sem styðja það að verðgildi húsnæðis í nágrenninu skerðist við uppbyggingu á lóð Áshamars 32. Jafnframt vill umhverfis-og skipulagsráð benda á að uppbyggingu hverfissins verði að meta heildstætt og megi þá einnig draga fram að uppbygging geti haft jákvæð áhrif á markað með fasteignir í nágrenninu, segir enn fremur í fundargerðinni.
 
Erindi vísað til afgreiðslu bæjarstjórnar.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.