Hagnaður Ísfélagsins dróst saman

12.Júní'18 | 23:28
isfelag_vestm

Ljósmynd/TMS

Ísfélag Vestmannaeyja, eitt stærsta sjávarútvegsfyrirtæki landsins, hagnaðist um 4,2 milljónir dala, jafnvirði um 440 milljónir króna, á síðasta ári og dróst hagnaðurinn saman um 16,7 milljónir dala eða 80 prósent frá fyrra ári, samkvæmt nýjum ársreikningi félagsins.

Neikvæður gengismunur upp á tæpar 9 milljónir dala litaði afkomuna en gengismunurinn var jákvæður um liðlega 2 milljónir dala árið 2016, að því er segir í frétt Fréttablaðsins.

EBITDA félagsins - rekstrarhagnaður fyrir afskriftir, fjármagnsliði og skatta - lækkaði um tæplega 9,8 milljónir dala á milli ára og nam um 25,8 milljónum dala í fyrra. Fór EBITDA-framlegð úr 32,7 prósentum árið 2016 í 24,9 prósent 2017.

Umræddar tölur miðast við samstæðu Ísfélagsins en félagið á meðal annars dótturfélögin Jupiter Shipping, Fiskmarkað Þórshafnar og Iceland Pelagic.

Rekstrartekjur samstæðunnar voru 103,6 milljónir dala í fyrra og drógust saman um 5,3 milljónir dala frá fyrra ári og þá jukust rekstrargjöldin úr 73,3 milljónum dala 2016 í 77,8 milljónir dala í fyrra.

Eignir Ísfélagsins námu rúmlega 293 milljónum dala í lok síðasta árs en þar af voru aflaheimildir félagsins metnar á um 123 milljónir dala. Til samanburðar voru eignirnar 288 milljónir dala í lok árs 2016. Eigið fé var 139 milljónir dala í lok síðasta árs og eiginfjárhlutfallið 47,3 prósent.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Hefur þú hugmynd?

15.Mars'18

Lumar þú á hugmynd fyrir Eyjar.net? Til að gera vefsíðuna betri. Endilega sendu okkur línu á eyjar@eyjar.net!

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is