Áburðardreifingin gekk glimrandi vel

12.Júní'18 | 22:58
aburdur_a_eldfell_vsv_lba

Vel var mætt í áburðardreifinguna. Ljósmynd/vsv.is

Fleiri en nokkru sinni fyrr tóku þátt í áburðardreifingu í Eldfelli í gær, mánudag. Nær 50 manns mættu á svæðið og tóku til hendinni. Helmingur hópsins tengdist Vinnslustöðinni en þarna voru líka handboltaiðkendur úr meistaraflokki og yngri flokkum ÍBV og fleiri bæjarbúar úr ýmsum áttum.

Uppgræðslukapteinninn Guðmunda Bjarnadóttir er afskaplega lukkuleg með dagsverkið; hún er verkefnisstjóri af hálfu stjórnar Vinnslustöðvarinnar:

„Þetta var í einu orði sagt frábært! Viðburðurinn var vel auglýstur og það sýndi sig að þeim fjölgar sem vilja leggja verkefninu lið.

Metþátttaka nú en eigum við ekki stefna að því að slá metið strax í næsta mánuði þegar síðari áburðardreifing sumarsins verður á dagskrá? Tímasetning er ekki ákveðin en ég horfi á mánudaginn 9. júlí sem fyrsta kost. Þetta verður ákveðið þegar nær dregur og tekið mið af langtímaveðurspá.

Uppgræðsluverkefnið í Eldfelli er virkilega gefandi og árangurinn heldur betur sýnilegur og áþreifanlegur. Við óðum víða í grasi upp í miðja kálfa og það segir sína sögu.“

Fleiri myndir frá áburðardreifingunni má sjá á heimasíðu Vinnslustöðvarinnar, en fréttin er upprunalega þaðan. 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).