TM mótið hefst á miðvikudaginn

11.Júní'18 | 15:30
TM2017_2_sgg]

Frá TM mótinu í fyrra. Ljósmynd/Sigfús Gunnar Guðmundsson

Á miðvikudagsmorgun hefst TM mótið í knattspyrnu. Á mótinu keppir 5.flokkur kvenna og er í ár leikið frá miðvikudegi til föstudags en mótinu var flýtt í ár vegna fjölda áskoranna. Venjan er að mótið sé frá fimmtudegi til laugardags.

Var þetta gert til að allir geti fylgst með fyrsta leik íslenska karlalandsliðsins á HM í Rússlandi á móti Argentínu, en hann er kl. 13:00 laugardaginn 16. júní.

88 lið frá 29 félögum

Eyjar.net ræddi við Sigríði Ingu Kristmannsdóttur, mótsstjóra TM mótsins. Hún segir að í ár verði um 800 keppendur, en með þjálfurum og fararstjórum eru rúmlega 900 manns að koma.

Mótið fer stækkandi ár frá ári og hafa aldrei fleiri lið tekið þátt frá því að mótinu var breytt í 5. flokks mót, í fyrra voru 84 lið en í ár verða 88 lið, frá 29 félögum.

Leikið á öllum völlum bæjarins

„Annars er mótið eins og í fyrra en þá gerðum við nokkrar breytingar. Við erum búin að þétta dagskránna svo að henni ljúki fyrr á kvöldin, Hæfileikakeppnin er á miðvikudagskvöld en úrslitin verða ekki tilkynnt fyrr en á fimmtudagskvöld áður en ball með Basic House Effect hefst.” segir Sigríður Inga.

Að venju verður leikið á Hásteinsvelli, Týsvelli, Þórsvelli, Eimskipshöll og Helgafellsvelli.

Sigríður Inga vill að endingu koma á framfæri þakklæti frá mótsstjórn til þeirra sem að mótinu koma á einn eða annan hátt. „Án þeirra væri ekki möguleiki að standa að þessu ár eftir ár.”

Einnig viljum við biðja bæjarbúa um að vera tillitsamt í umferðinni og aka varlega. Að sjálfsögðu bjóðum við alla velkomna að mæta á vellina og fylgjast með upprennandi knattspyrnustjörnum.

 

Hér má skoða mótsblaðið.

Heimasíða mótsins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).