Byrjað að auglýsa eftir starfsfólki hjá Herjólfi ohf

- samþykkt af stjórn að auglýsa eftir framkvæmdastjóra og yfirvélstjóra. Hins vegar hefur einungis verið auglýst eftir skipstjóra og vélstjóra

8.Júní'18 | 13:07
herj_nyr_cr_sa_c

Nýr Herjólfur á að hefja siglingar milli lands og Eyja í október. Mynd/Crist S.A

Búið er að auglýsa fyrstu störfin laus til umsóknar hjá Herjólfi ohf. Umsóknarfrestur rennur út á sunnudaginn næstkomandi. Þau störf sem auglýst voru nú er starf skipstjóra og starf yfirvélstjóra. Athygli vekur að ekki er auglýst eftir framkvæmdastjóra fyrir nýja félagið.

Það að ekki sé búið að auglýsa stöðu framkvæmdastjóra stangast reyndar á við stjórnarsamþykkt félagsins, en í fundargerð stjórnar frá 19. maí segir að stjórnin hafi samþykkt að fela formanni stjórnar í samráði við settann framkvæmdastjóra að ganga frá auglýsingu þar að lútandi. Samkvæmt heimildum Eyjar.net stendur til að ráða verkefnastjóra til félagsins sem á að sinna störfum framkvæmdastjóra næstu mánuðina. Ekki stendur til að auglýsa stöðu verkefnastjóra, herma sömu heimildir.

Samkvæmt stofnfundargerð var Sigurbergi Ármannssyni, fjármálastjóra Vestmannaeyjabæjar, falið að gegna hlutverki framkvæmdastjóra og fara með prókúru félagsins þar til framkvæmdastjóri verður ráðinn.

Grímur Gíslason, formaður stjórnar Herjólfs ohf. hefur ekki svarað fyrirspurn Eyjar.net um málið.

Sjá einnig: Rýnt í nýjan rekstrarsamning Herjólfs

Úr fundargerð stjórnar Herjólfs ohf:
2. Ráðning framkvæmdastjóra. Stjórn ræddi ráðningu framkvæmdastjóra. Samþykkt að fela formanni stjórnar í samráði við settann famkvæmdastjóra að ganga frá auglýsingu þar að lútandi.
3. Ráðning vélstjóra. Stjórn ræddi ráðningu vélstjóra en fyrir liggur að senda þarf vélstjóra í þjálfun til Póllands sem allra fyrst og eigi síðar en í júní. Samþykkt að fela formanni stjórnar í samráði við settann framkvæmdastjóra að ganga frá auglýsingu þar að lútandi.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

ÓE íbúð fyrir þjóðhátíð 2019

7.Ágúst'18

Erum lítill hópur sem vantar að leigja íbúð yfir þjóðhátíð :) Erum snyrtileg, reglusöm og reyklaus ! Alltaf í góðu skapi og kurteis :)

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.