Mikið um dýrðir í nafngiftarteiti Breka og Kleifarfrosts

3.Júní'18 | 07:05
breki_nafn_vsv_cr

Kristín Gísladóttir gefur hér skipinu nafn. Mynd/vsv.is

Breki VE-61 var formlega gefið nafn við hátíðlega athöfn við Vestmannaeyjahöfn við upphaf sjómannadagshelgarinnar. Kristín Gísladóttir, einn eigenda Vinnslustöðvarinnar og fyrrverandi stjórnarmaður félagsins, gaf skipinu nafn og Eyjaprestarnir Guðmundur Örn Jónsson og Viðar Stefánsson blessuðu skipið. 

Þeir skoðuðu síðan skipið í fylgd Magnúsar Ríkarðssonar skipstjóra, segir í frétt á vefsvæði Vinnslustöðvarinnar - vsv.is.

Þá segir að Einar Þór Sverrisson, varaformaður stjórnar Vinnslustöðvarinnar, hafi ávarpað gesti og Hild­ur Sól­veig Sig­urðardótt­ir, fráfarandi for­seti bæj­ar­stjórn­ar Vest­manna­eyja, flutti ávarp Kristjáns Þórs Júlí­us­son­ar sjáv­ar­út­vegs­ráðherra. Ráðherrann afboðaði sig um hádegisbil. Þingflokkur Sjálfstæðismanna hafði þá boðið  síðdegis til að ræða pólitískt ástand á löggjafarsamkomunni. Stjórnarandstaðan hélt uppi málþófi vegna frumvarps um veiðigjöld.

Sigurgeir B. Kristgeirsson, framkvæmdastjóri Vinnslustöðvarinnar, stjórnaði samkomunni. Fjöldi fólks mætti á vettvang og hlýddi á Gildruna spila og syngja á palli fyrir utan frystigeymsluna stóru og glæsilegu sem Eyjamenn fengu að kynnast í fyrsta sinn innan dyra - í 28 stiga frosti ef menn fóru inn í sjálfa frystiklefana!

Frystigeymslan fékk heitið Kleifarfrost við þetta tilefni og Addi í London var leystur út með gjöfum og heiðraður fyrir að eiga höfundarrétt að nafninu. Þór Vilhjálmsson, fyrrverandi verkstjóri, starfsmannastjóri og altmuligmand Vinnslustöðvarinnar, greindi frá niðurstöðu nafnasamkeppninnar sem formaður sérstakrar nefndar þar að lútandi.

Samkoman öll tókst sérlega vel og mikil gleði og ánægja ríkti meðal gesta. Þetta var sérlega velheppnað upphaf helgarinnar sem tileinkuð er sjómönnum lýðveldisins.

 

Fleiri myndir frá athöfninni má sjá hér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Canton hefur opnað eftir vetrarlokun

27.Febrúar'20

Fiskur og franskar, rækjur og austurlenskir réttir. Kjúklingabitar um helgar. Opið frá 17.00 til 20.30, alla daga. Canton, Strandvegi 49. Sími 481-1930.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-