Bæjarráð fjallar um framkvæmd fýsileikakönnunar

- um gerð baðlóns heilsulindar, sjósundsaðstöðu og tengdra mannvirkja í Vestmannaeyjum

30.Maí'18 | 12:59
lon_1

Tölvugerð mynd af því hvernig baðlónið gæti litið út. Mynd/aðsend

Samkomulag um samstarf um framkvæmd fýsileikakönnunar að því er varðar gerð baðlóns heilsulindar, sjósundsaðstöðu og tengdra mannvirkja í Vestmannaeyjum var tekið fyrir á fundi bæjarráðs Vestmannaeyja í gær.

Samkomulag dags. 24. maí s.l. um samstarf um framkvæmd fýsileikakönnunar að því er varðar gerð baðlóns, heilsulindar, sjósundsaðstöðu og tengdra mannvirkja í Vestmannaeyjum. Fram kemur að Vestmannaeyjabær hefur um nokkurt skeið unnið að frumkönnun á því hvort nýta megi þá miklu orku sem verður til við byggingu nýrrar sorpbrennslu í bænum til að styrkja afþreyingu og ferðaþjónustu í Vestmannaeyjum.

Í niðurstöðu ráðsins segir að Vestmannaeyjabær hafi um nokkurt skeið unnið að frumkönnun á því hvort nýta megi þá miklu orku sem verður til við byggingu nýrrar sorpbrennslu í bænum, auk varma úr hrauninu, til að styrkja afþreyingu og ferðaþjónustu í Vestmannaeyjum. Sérstaklega hafa verið skoðaðir möguleikar á manngerðu lóni og heilsulind við Skansinn sem tengd yrðu við hraunið úr Heimaeyjargosinu 1973, auk þess sem þessu samofnar hafa verið reifaðar hugmyndir um gerð sjósundsaðstöðu á Skansinum. Enskt vinnuheiti á þessum hugmyndum er LAVASPRING VESTMANNAEYJAR, sbr. lýsingu sem Vestmannaeyjabær hefur útbúið. 

Samstarfs Vestmannaeyjabæjar og ÍH felur í sér könnun á fýsileika verkefnisins og að skoðað verði með jákvæðum hætti hugsanleg fjárfesting í verkefninu ef niðurstöður fýsileikakönnunar benda til að fjárfesting í því geti orðið hagkvæm. 

Bæjarráð samþykkir samkomulagi fyrir sitt leyti.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.