Hvers vegna að setja X við H?

1. Við ætlum að breyta stjórnsýslunni,
2. Við ætlum að gera fólki kleyft að hafa sjálfstæðar skoðanir á málefnum og framkvæmdum bæjarins án þess að óttast um sinn hag.
3. Við ætlum að auka þátttöku allmennings í ákvörðunum í öllum meiriháttar málum.
4. Við viljum gera ferðamannaiðnaðinn að heilsárs atvinnu, ekki einungis að sumarvinnu.
5. Við teljum að hægt sé að gera mun betur en hinir listarnir í samgöngumálum. Þar sem „ lítillæti og nægjusemi er  ekki dyggð“.
6. Við viljum fara strax í það að leita leiða til að leysa bráðavanda í samgöngum yfir háanna tímann.
7. Við erum ekki sérstakt áhugafólk um biðlista sama hvort þeir eru vistvænir eða disel hvorutveggja er jafn pirrandi.
8. Við erum virkilega ósátt að fjöregg byggðarlagsins, þ.e samgöngumál séu á forræði nokkurra embættismanna.
9. Við ætlum að læra af mistökum fyrri bæjarstjórnar. Hættum að taka allt sem stórasannleik þó það komi frá hinum ýmsu sérfræðingum. Dæmin sanna að svo er ekki.
10. Við ætlum að gera góðan bæ betri, þar sem málefnalegar og rökstuddar athugasemdir eru vel þegnar frá bæjarbúum.

Á morgun göngum við til kosninga til sveitarstjórnar. Ég hvet þig - kærir kjósandi - til að nýta atkvæðisrétt þinn. Það er mikilvægt.

Komum Vestmannaeyjum á betri stað. Það gerum við með því að setja X við H.

Sveinn Rúnar Valgeirsson

Höfundur skipar 6. sæti á lista Fyrir Heimaey í komandi sveitarstjórnarkosningum.