Ekki búið að mæla dýpið í Landeyjahöfn - því er áfram siglt til Þorlákshafnar

:: aukaferð í kvöld/nótt, skýrist eftir mælingu hvort farið verður í Þorlákshöfn eða Landeyjahöfn

21.Maí'18 | 14:58
herjolf_inns_lan

Herjólfur siglir næstu ferð til Þorlákshafnar, þar sem ekki er búið að mæla dýpið í Landeyjahöfn. Ljósmynd/TMS

Ljóst er að eftir mjög mikla ölduhæð sl. daga er veruleg óvissa um dýpi í Landeyjahöfn en því miður hefur Vegerðin ekki látið mæla dýpið í tíma þrátt fyrir óskir Eimskips um að það yrði gert. Því siglir Herjólfur til Þorlákshafnar seinni partinn í dag, segir í tilkynningu Sæferða.

Brottför er frá Vestmannaeyjum kl.16:00 og frá Þorlákshöfn kl.19:15. Lóðsinn er á leið að mæla í Landeyjahöfn. Það verður aukaferð í kvöld/nótt, hvort farið verður í Þorlákshöfn eða Landeyjahöfn liggur ekki fyrir fyrr en Lóðsinn hefur mælt.

Brottfarar tími frá Vestmannaeyjum yrði kl 23:00 og frá Þorlákshöfn 02:00 en frá Landeyjahöfn 23:45. Þegar ákvörðun liggur fyrir um í hvora höfnina verður siglt verður opnað fyrir bókanir í aukaferðina.

Farþegar sem áttu bókað til/frá Landeyjahöfn 16:00/19:45 hafa verið færðir til/frá Þorlákshöfn 16:00/19:15. Aðrar ferðir færast ekki og þurfa farþegar sem eiga bókað frá VEY 18:45, 21:00 og frá LAN 17:10, 22:00 að hafa samband við afgreiðslu í síma 4812800 og færa sig í næstu lausu ferð eða fá endurgreitt. 

Nauðsynlegt að farþegar sem eiga bíla í Landeyjahöfn láti vita af sér í afgreiðslunni í Vestmannaeyjum fyrir brottför frá Eyjum 16:00 og fái rútumiða ef þeir þurfa far frá Þorlákshöfn til Landeyjahafnar til að sækja bíla, segir ennfremur í tilkynningunni.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.