Stefán Jónasson skrifar:

Sífellt færri taka mark á glansmyndinni

12.Maí'18 | 21:28
stefan_o_litil

Stefán Jónasson

Nú styttist mjög til kosninga. Framboðin þrjú hér í Eyjum eru að birta helstu áhersluatriði sín og er ekkert nema gott um það að segja. Þó finnst mér gamli Sjálfstæðisflokkurinn helst til örlátur á að þakka sér helstu framfaramál sem hér hafa verið unnin á síðustu árum. 

Það kveður jafnvel svo rammt að þessu að ýmis mál sem flokkurinn lagðist gegn telur hann sér nú til tekna. Ég ætla hér að birta nokkrar staðreyndir máli mínu til stuðnings.

  • Dagvistargjöld í Vestmannaeyjum voru lækkuð að kröfu Eyjalistans og vegna háværra krafna foreldra. Sjálfstæðisflokkurinn „neyddist“ til að fallast á lækkunina.
  • Stækkun Hraunbúða var knúin í gegn að frumkvæði Eyjalistans og ötulli baráttu hans fyrir því máli.
  • Frístundakort vegna tómstundaiðkana var einnig að frumkvæði Eyjalistans og allt of lengi reyndi Sjálfstæðisflokkurinn af fullum þunga að leggjast gegn því máli.
  • Skref um ókeypis námsgögn fyrir grunnskólanemendur var stigið eftir þrotlausa baráttu Eyjalistans þar um. Sjálfstæðismenn voru tregir til en urðu að lokum að láta undan.
  • Nauðsynleg, jákvæð og sjálfsögð skref vegna sambýlis fyrir fatlaða voru að frumkvæði Eyjalistans.
  • Barátta Eyjalistans fyrir húsmæðraorlofi hefur leitt þess að í fjárhagsáætlun fyrir árið 2018 er nú gert ráð fyrir framlagi í það verkefni.

Þessum staðreyndum vil ég koma á framfæri við bæjarbúa. Ég veit reyndar að sífellt færri taka mark á og gleypa við glansmyndinni sem Sjálfstæðismenn eru nú þessa dagana að draga um sig og störf sín.

 

                              Stefán Jónasson

 

Höfundur skipar 3. sæti á Eyjalistanum í komandi sveitarstjórnarkosningum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).