Íris Róbertsdóttir skrifar:

Fyrir Heimaey

10.Maí'18 | 13:25
Íris í lit_cr

Íris Róbertsdóttir

Við sem stöndum að framboðinu komum úr ýmsum áttum – úr starfi og námi. Sum okkar hafa áður tekið þátt í pólitísku starfi – önnur ekki. Það sem sameinar okkur hér og nú er viljinn til að láta gott af okkar leiða fyrir bæinn okkar – Fyrir Heimaey

Margt er vel gert hjá Vestmanneyjabæ, mörg verkefni sem eru spennandi og tímabær sem teygja sig vel inn á næsta kjörtímabil. Það er þó ýmislegt sem við teljum að megi betur fara – og það snýr ekki síst að vinnubrögðum og verklagi.

Við teljum að það eigi að stórauka allt upplýsingastreymi til bæjarbúa. Það er líka orðið löngu tímabært að koma hér á beinu íbúalýðræði um mikilsverð mál. Þessi afstaða til íbúalýðræðis er auðvitað alveg óháð því hvaða skoðun maður hefur sjálfur á einhverju tilteknu máli. Þetta snýst einfaldlega um aðferðir við að leiða mál til lykta - og afstöðu bæjaryfirvalda til bæjarbúa.

Við á H-listanum höfum svarað þessari spurningu fyrir okkar leyti. Við viljum þetta virka samtal við bæjarbúa - og öfluga upplýsingagjöf sem aftur skapar grundvöll fyrir víðtæku og beinu íbúalýðræði.

Málefnastarfinu okkar er að ljúka og verður stefnuskráin kynnt fljótlega. Mikið af fólki hefur komið að þeirri vinnu á málefnafundum og með ábendingum. Rauði þráðurinn í þeirri vinnu er ákall um samtal, samvinnu, gegnsæi, traust og að þjónustan sem veitt er verði á forsendum íbúanna.

Næstu vikur munum við nota til að kynna fyrir bæjarbúum hvað það er sem við stöndum fyrir. Það ætlum við gera á uppbyggilegan hátt – með jákvæðni, bjartsýni og gleðina að vopni.

 

Íris Róbertsdóttir

 

Höfundur skipar 1. sæti á lista Fyrir Heimaey í komandi sveitarstjórnarkosningum.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-