Jóna Sigríður Guðmundsdóttir skrifar:

Vannýtt gersemi

2.Maí'18 | 21:28
jona_sigga_minni

Jóna Sigríður Guðmundsdóttir

Sundlaugin okkar og svæðið um kring er til mikillar fyrirmyndar og hafa lífsgæði okkar Vestmannaeyinga verið bætt með þessari framkvæmd. Við kynnum svæðið fyrir gestum okkar með stolti og gleðjumst yfir hvað þeir nýta það vel.

En getum við gert betur með bættri þjónustu við bæjarbúa?

Sundlaugin er vel sótt og nýtir fólk á öllum aldri þjónustu hennar. Taka þarf tillit til margra þjónustuþátta þegar fjölbreyttur hópur nýtir slíka þjónustu. Opnunartími þarf að vera langur og fjölbreytt afþreying þarf að vera fyrir alla jafnt unga sem aldna. Huga þarf að hagsmunum bæjarbúa og sníða svæðið fyrir alla aldurshópa samfélagsins. Þetta leiðir af sér aukna þjónustu við okkar gesti. Allir eru jafn mikilvægir.

Bætum þjónustuna með því að huga að auknum opnunartíma, hann á ekki að stýrast af árstíðum. Höfum útisvæðið okkar opið allt árið um kring. Til þess þarf að bæta við búnaði til upphitunar og vinna í því að stöðva vindkælingu yfir kaldasta tíma ársins. Einnig er þörf fyrir upphitaða barna innilaug sem hægt er að nýta á fjölþættan hátt. Mögulegt er að byggja hana út frá austurhlið innilaugarinnar sem fyrir er.

Við viljum byggja upp samfélag þar sem allir njóta sín og vilja búa. Setjum íbúana í forgang. Leggjum í þetta verkefni það fjármagn sem til þarf og gerum allt sundlaugarsvæðið aðgengilegt fyrir alla alltaf.

Verum metnaðarfull og göngum saman þessa vegferð  Fyrir-Heimaey

 

Jóna Sigríður Guðmundsdóttir

 

Höfundur skipar 2. sæti á lista Fyrir Heimaey í komandi bæjarstjórnarkosningum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).