Eyjamenn perluðu 1538 armbönd til styrktar Krafti

- skora á Akureyringa, Þór og KA að slá met Eyjamanna

23.Apríl'18 | 07:07
perlad_ibv

ÍBV stelpurnar einbeittar við að perla. Myndir/aðsendar

Á laugardaginn sl. stóð Kraftur og ÍBV fyrir perluviðburði í Vestmannaeyjum. En um var að ræða fyrsta perluviðburð félagsins þar sem perluð eru armbönd í fánalitunum. Armböndin eru seld til stuðnings Krafti og sýna einnig samstöðu með íslenska fótboltaliðinu á HM.

Fjöldi manns mættu í Höllina í Vestmannaeyjum en talið er að um 350 hafi verið á svæðinu þegar mest var. Dóra Björk Gunnarsdóttir hjá ÍBV var að vonum ánægð með mætingu Eyjamanna en samtals voru 1538 armbönd perluð. En Dóra gerði gott betur og skoraði á Akureyringa, Þór og KA, að reyna að slá met Eyjamanna og ná af þeim Perlubikarnum svokallaða. „Við sýndum það sko og sönnuðum að Eyjamenn sýna samstöðu bæði með Krafti og íslenska fótboltaliðinu. En ég skora á Akureyringa, Þór og KA, að reyna gera betur og ná þessu meti af okkur“, sagði Dóra á viðburðinum.

Önnur íþróttalið og bæjarfélög geta einnig reynt að ná Perlubikarnum til sín en eina sem þarf að gera er að hafa samband við Kraft og finna stað og stund. Armböndin verða til sölu hjá á vefsíðu Krafts sem og nokkrum öðrum stöðum núna á vormánuðum og rennur allur ágóði þeirra til stuðnings Krafti, stuðningsfélagi ungs fólks sem greinst hefur með krabbamein og aðstandendum. 

Tags

Kraftur

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is