Sæheimar:

Skelskipti nornakrabba

22.Apríl'18 | 15:17
skelskipti_nornakrabba_saeh

Krabbinn og gamla skelin hans (t.v). Mynd/saeheimar.is

Krabbar eru með harða ytri skel sem ver líkama þeirra. Þegar þeir stækka lenda þeir í smá vandræðum því að skelin gefur ekkert eftir. Þá þurfa þeir að losa sig við gömlu skelina og búa til nýja og rýmri skel utan um líkamann.

Frá þessu er greint á vefsvæði Sæheima. Þar segir að einn af nornakröbbunum safnsins hafi haft skelskipti aðfaranótt föstudags og á myndinni má sjá krabbann og gömlu skelina hans vinstra megin við hann.

Ekkert tiltökumál að éta vini sína

Núna er krabbinn mjúkur viðkomu. Áður en skel hans harðnar á ný mun hann dæla sjó inn í líkamann og belgja sig eins mikið út og hann mögulega getur þannig að nýja skelin verði eins rúm og mögulegt er og hann geti vaxið sem mest áður en hann þarf að hafa skelskipti á ný. 

Meðan á skelskiptum stendur er krabbinn mjög varnarlaus og þurfum við því að varna því að hinir krabbarnir í búrinu ráðist á hann. Voru þeir að endingu fjarlægðir úr búrinu. Þó að samkomulagið hjá þeim sé alla jafna nokkuð gott þá ristir vinskapurinn ekki mjög djúpt og þeim finnst ekkert tiltökumál að éta vini sína.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.