Breki VE og Páll Pálsson ÍS komnir af hættusvæði sjórána

15.Apríl'18 | 14:28
breki-pall_skipasyn

Togaratvíburarnir Páll Pálsson ÍS og Breki VE. Mynd/Skipasýn

Togaratvíburarnir Breki og Páll Pálsson komust fyrr í dag af hættusvæði sjórána í sundinu milli Sómalíu og Jemens. Siglingin um svæðið var tíðindalaus með öllu og mannskapnum létti mjög þegar komið var inn á Rauðahafið.

Hermennirnir þrír, sem komu í Breka á Sri Lanka, fara frá borði á morgun og taka með sér vopnasafnið sitt. Þeir þurftu blessunarlega aldrei að hleypa af skoti til varnar skipi og áhöfn nema í æfingaskyni.

Hermennirnir hafa bækistöð í pramma á Rauðahafi og bíða þar eftir næsta verkefni. Þá gæta þeir öryggis um borð í einhverju skipi sem er á suðurleið um Súesskurð og Rauðahaf. Þannig er lífið hjá köppunum, segir í frétt á vefsvæði Vinnslustöðvarinnar.

„Við erum mjög lukkulegir að hafa náð þessum áfanga og teljum nú niður á lokakaflanum. Að baki eru 6.400 sjómílur frá Kína og núna eru nákvæmlega 4.878 sjómílur heim til Vestmannaeyja!“ sagði Bergur Guðnason, stýrimaður á Breka, glaðbeittur á vaktinni núna um hádegisbil að íslenskum tíma. Þá var blessuð blíðan á Rauðahafi líkt og fyrri daginn, blankalogn og 35 stiga lofthiti. Sjávarhiti 28 gráður.

„Við höfum tilkynnt komu okkar að Súesskurði að morgni 19. apríl að staðartíma og stillum okkur af þannig af að það standist. Hægjum heldur á okkur því við erum ögn á undan áætlun.

Hermennirnir eru hættu að standa vaktir um hádegi. Þeir höfðu orð á því að það hefði verið óvenjulega rólegt í kringum okkur á leiðinni. Í sundinu þar sem þrengst er hefur oft verið krökkt af fiskibátum og sjóræningjar verið þar gjarnan innan um að reyna að sæta lagi. Nú sást þarna ekki einn einasti bátur. Allt með eins kyrrum kjörum og hugsast gat.

Eitt olíuskip hefur fylgt Breka og Páli um hættusvæðið og önnur skip voru skammt á undan okkur. Herskip sáum við aldrei en vitum að þau eru ekki fjarri siglingaleiðinni, við öllu búin.

Þetta gengur ljómandi vel hjá okkur og vaxandi tilhlökkun að koma heim!“

 

Magnús Ríkarðsson skipstjóri á Breka VE er hér vígalegur í brúnni á siglingu við strendur Sómalíu. Íslensku togararnir voru svo óárennilegir að meira að segja fiskimenn héldu sig heima þegar þeir fóru hjá, hvað þá sjóræningjar, segir ennfremur í frétt á heimasíðu VSV. Mynd/vsv.is

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).