X 2018:

Hildur Sólveig leiðir lista Sjálfstæðisflokksins - Elliði fer í fimmta sætið

- Elliði Vignisson er leiðtogi og bæjarstjóraefni listans, segir í tilkynningu frá fulltrúaráði flokksins

11.Apríl'18 | 22:28
IMG_1261

Frambjóðendur Sjálfstæðisflokksins. Ljósmynd/TMS

Elliði Vignisson, bæjarstjóri mun ekki skipa fyrsta sætið lista Sjálfstæðisflokksins í komandi bæjarstjórnarkosningum, líkt og hann hefur gert í síðustu þremur kosningum. Elliði verður nú í fimmta sæti listans. Hildur Sólveig Sigurðardóttir, forseti bæjarstjórnar skipar fyrsta sætið á lista flokksins.

Þau Helga Kristín Kolbeins og Eyþór Harðarson koma ný inn í efstu sæti listans, en Páll Marvin Jónsson, formaður bæjarráðs skipar nú áttunda sætið.

Flokkurinn sendi frá sér tilkynningu nú í kvöld. Þar segir:

Á fundi fulltrúaráðs Sjálfstæðisfélaganna í Vestmannaeyjum nú í kvöld var samþykktur framboðslisti fyrir sveitarstjórnarkosningarnar í maí.

Undir forystu Sjálfstæðisflokksins í Vestmannaeyjum hefur samfélagið okkar tekið framförum á öllum sviðum. Slíkt er ekki sjálfgefið og áfram þarf að vanda til verka. Framboðslistann skipa einstaklingar með víðtæka reynslu úr samfélaginu, reynslu sem mun nýtast við stjórnun sveitarfélagsins. Á listanum eru nýir einstaklingar, í bland við þá reynslumeiri. Fólk úr ólíkum áttum með ólíkan bakgrunn.

Elliði Vignisson er leiðtogi og bæjarstjóraefni listans. Að hans eigin beiðni skipar hann nú fimmta sæti á framboðslistanum.

 

Elliði Vignisson:

„Að vera leiðtogi snýst ekki um stöðu eða sæti, ætli maður sér að vera leiðtogi verður maður að vera tilbúinn til að hlusta og bregðast við.  Eftir að hafa leitt listann úr fyrsta sæti í 12 ár tek ég alvarlega umræðu um þörfina á valddreifingu.  Ég get að mörgu leyti tekið undir þá skoðun að það fylgir því lýðræðishalli að vera í senn í öruggasta sætinu, vera bæjarstjóraefni, oddviti og sá sem er með langmestu reynsluna.  Þessu vil ég mæta með því að færa mig niður í framboðssæti sem að við lítum á sem sæti varabæjarfulltrúa.  Ég vil líka líta á það sem skref til að skapa aukna sátt að víkja sætis fyrir ungt og nýtt fólk sem annars hefði ef til vill orðið að víkja af vettvangi bæjarmálanna.  Ég kvíði því ekki að leiða listann sem varabæjarfulltrúi enda ríkir mikill einhugur hjá því góða fólki sem skipar framboðlistann.  Saman ætlum við leiða Sjálfstæðisflokkinn til sigurs og gera góðan bæ enn betri á komandi kjörtímabili.“

Hildur Sólveig Sigurðardóttir skipar fyrsta sæti á listanum, en þetta er í fyrsta sinn í 20 ár sem kona skipar það sæti á framboðslista flokksins.

 

Hildur Sólveig Sigurðardóttir:

„Ég er í senn auðmjúk og þakklát fyrir það traust sem mér er sýnt með því að taka fyrsta sæti á framboðslistanum. Það er ekki sjálfgefið að ungri konu sé falið hlutverk sem þetta og hvað þá að tvær konur skipi tvö efstu sætin.  Þetta tel ég bæði sýna styrk okkar sem flokks sem og þann hug sem reynslumikið fólk í starfi okkar ber til ungs fólks og kvenna. Eitt af því sem helst einkennir okkur frambjóðendur Sjálfstæðisflokksins er einlægur vilji til þess að halda áfram að gera samfélagið okkar betra og til að gera það mögulegt hikar fólk ekki við að víkja til hliðar eigin hagsmunum fyrir hagsmuni heildarinnar. Við viljum öll taka þátt í þeim verkefnum sem framundan eru af áhuga og festu, til heilla fyrir íbúa Vestmannaeyja.„

 

Framboðslistinn er sem hér segir:

 

 1.Hildur Sólveig Sigurðardóttir, sjúkraþjálfari

 2.Helga Kristín Kolbeins, skólameistari

 3.Trausti Hjaltason, framkvæmdastjóri

 4.Eyþór Harðarson, útgerðarstjóri

 5.Elliði Vignisson, oddviti og bæjarstjóri

 6.Margrét Rós Ingólfsdóttir, félagsfræðingur

 7.Sigursveinn Þórðarson, svæðisstjóri

 8.Páll Marvin Jónsson, framkvæmdastjóri

 9.Andrea Guðjóns Jónasdóttir, sjúkraliði

10.Gísli Stefánsson, æskulýðsfulltrúi

11.Agnes Stefánsdóttir, framhaldsskólanemi

12.Vignir Arnar Svafarsson, sjómaður

13.Klaudia Beata Wróbel, nemi og túlkur

14.Bragi Ingiberg Ólafsson, eldri borgari

 

Stjórn fulltrúaráðs

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.