Njáll Ragnarsson leiðir Eyjalistann

Listinn er skipaður breiðum hópi frambjóðenda með margs konar reynslu og menntun. Frambjóðendurnir eiga það allir sameiginlegt að hafa brennandi áhuga á hagsmunamálum Vestmannaeyja og að vinna ötullega að því að efla og styrkja bæjarfélagið. Eyjalistinn hefur nú á að skipa nýju fólki í forystusveitinni en um leið mun listinn njóta reynslu þeirra sem áður hafa unnið ötullega að bæjarmálum.

Eyjalistinn mun í öllu starfi sínu leggja áherslu á lýðræðislega stjórnarhætti þar sem hagsmunir heildarinnar verða hafðir að leiðarljósi.  Frambjóðendur listans bjóða því fram krafta sína í þágu samfélagsins alls og leitar eftir góðri samvinnu við alla bæjarbúa.

Nú þegar er hafin öflug og opin málefnavinna Eyjalistans.  Sú vinna heldur áfram fram að kosningum og verður stefnuskrá Eyjalistans birt þegar nær þeim dregur. 

Þeir bæjarbúar sem áhuga hafa á þátttöku í málefnavinnu Eyjalistans og hafa með því bein áhrif á stefnumótun í málefnum Vestmannaeyja til framtíðar  eru vinsamlegast beðnir að hafa samband við einhvern frambjóðenda. 

Kosningamiðstöð Eyjalistans verður að Vestmannabraut 37 og verða opnunartímar hennar auglýstir innan tíðar, segir í tilkynningu frá Eyjalistanum.

Eyjalistinn er þannig skipaður:

1. Njáll Ragnarsson   sérfræðingur á  Fiskistofu

2. Helga Jóhanna Harðardóttir   grunnskólakennari

3. Stefán Óskar Jónasson verkstjóri

4. Arna Huld Sigurðardóttir   hjúkrunarfræðingur

5. Nataliya Ginzhul íþróttakennari

6. Guðjón  Örn Sigtryggsson   bílstjóri

7. Lára Skæringsdóttir   grunnskólakennari

8. Haraldur Bergvinsson  innkaupastjóri

9. Anton Eggertsson   matreiðslumaður

10. Hafdís Ástþórsdóttir  hársnyrtir

11. Jónatan Guðni Jónsson grunnskólakennari

12. Drífa Þöll Arnardóttir  bókavörður

13. Guðlaugur Friðþórsson   vélstjóri

14. Sólveig Adólfsdóttir    húsmóðir